150 metr bıiktikten qulaǵan: Mango brendiniń negizin qalaýshy kóz jumdy
ASTANA. KAZAINFORM – Ispanııanyń eń baı adamdarynyń biri, ıspanııalyq Mango kıim-keshek kompanııasynyń negizin qalaýshysy Isak Andık qaıtys boldy, dep habarlaıdy TASS.
La Vanguardia gazetiniń habarlaýynsha, 71 jastaǵy kásipker Kolbato mýnıtsıpalıtetindegi shatqalda 150 metr bıiktikten qulap, mert bolǵan. Andık otbasy múshelerimen birge demalysta júrgen.
Andıktiń qaıtys bolǵany týraly aqparat kompanııa saıtynda jarııalandy.
– Osy senbide bolǵan oqys oqıǵa saldarynan Mango kompanııasynyń negizin qalaýshy <...> Isak Andıktiń kútpegen jerden qaıtys bolǵanyn tereń ókinishpen habarlaımyz, - delingen habarlamada.
Mango jelisin 1984 jyly Katalonııa avtonomııalyq qoǵamdastyǵynda Túrkııada dúnıege kelgen bıznesmen Isak Andık qurǵan. Forbes jýrnalynyń málimeti boıynsha, ol Ispanııadaǵy eń baı besinshi adam boldy.
Mango-nyń álemde shamamen 2,7 myń saýda núktesi bar. Kompanııa 2023 jyldy 3,1 mıllıard eýrodan asatyn rekordtyq tabyspen aıaqtaǵan.