150 kreator zııatkerlik menshik negizderi boıynsha bilim aldy

ASTANA. KAZINFORM - Elordada ÖzgeEpic kreatıvti habynda zııatkerlik menshik negizderi boıynsha oqytý baǵdarlamasy ótti. 

Oǵan QR Mádenıet jáne aqparat mınıstrligi bastamashy bolyp, «Astana» halyqaralyq qarjy ortalyǵynyń qoldaýymen júzege asyryldy. Іs-sharanyń maqsaty - kreatorlarǵa qoldaý kórsetip, olardyń osy saladaǵy múddelerin qorǵaý.

Oqytý baǵdarlamasyna sýretshiler, sándik-qoldanbaly óner sheberleri, medıa ókilderi qatysyp, barlyǵy 150 kreator bilim aldy. Sarapshylar patentteý, avtorlyq quqyq, saýda belgileri, kommertsııalyq qupııa jáne lıtsenzııalaý sııaqty zııatkerlik menshiktiń negizgi baǵyttary boıynsha dáris oqydy.

Sonymen qatar kreatorlar Qazaqstanda jáne shetelde zııatkerlik menshikti qorǵaýdyń basty qaǵıdattarymen tanysty. 

Aıta ketý kerek, oqý baǵdarlamasy Dúnıejúzilik zııatkerlik menshik uıymynyń (DZMU) standarttaryna sáıkes ázirlengen.