15 jylda chehııalyq kompanııalar Qazaqstan ekonomıkasyna 270 mln dollar ınvestıtsııa saldy

ASTANA. QazAqparat – Sońǵy 15 jylda chehııalyq kompanııalar bizdiń ekonomıkamyzǵa 270 mln dollar ınvestıtsııa saldy. Cheh-Qazaqstan bıznes-formýyna qatysqan Premer-Mınıstr Álıhan Smaıylov osylaı málimdedi, dep habarlaıdy QazAqparat tilshisi.

«Sońǵy 15 jylda chehııalyq kompanııalar bizdiń ekonomıkamyzǵa 270 mln dollar ınvestıtsııa saldy. Onyń 5/1 sońǵy jyldarǵa tıesili. Qazirgi ýaqytta Qazaqstanda 200 chehııalyq kompanııa jumys isteıdi», - dep toqtaldy Premer-Mınıstr bıznes-forýmnyń ashylý saltanytynda sóılegen sózinde.

Sonymen qatar, Úkimet basshysy ótken jyly Qazaqstan men Chehııa arasyndaǵy taýar aınalymy 67%-ǵa óskenin atap ótti.

«Cheh Respýblkasy bizdiń elimizdiń Eýropalyq odaqtaǵy eń iri seriktesimizdiń biri. Byltyr ekijaqty taýar aınalymy 67%-ǵa ósti. Bul joǵary kórsetkish bıyl da saqtalyp otyr. Máselen, qańtar-aqpan aılarynda ózara taýar aınalymynyń kólemi eki ese artty», - dedi Álıhan Smaıylov.

Aıta keteıik, búgin elordada Cheh-Qazaqstan bıznes-formýy ótip jatyr. Oǵan eki eldiń Úkimet basshylary, kompanııa ókilderi men ınvestorlar qatysyp jatyr.