15 jyl salyp, AQSh pen Kýba arasynda telefon baılanysy ornady
ASTANA. QazAqparat - Araǵa 15 jyl salyp, AQSh pen Kýba arasynda telefon baılanysy ornady, dep habarlaıdy Bı-bı-sı.
Kýbanyń memlekettik telekommýnıkatsııa kompanııasynyń málimetinshe, jeli áýelide tek telefon baılanysy úshin qoldanylady. Vashıngtondyq tarap bolsa, keıinirek joǵary jyldamdyqty ınternet jelisiniń ornaıtynyna senimdi.
Buǵan deıin AQSh-qa telefon qońyraýy úshinshi álem elderi arqyly júzege asyp kelgen. Bul óz kezeginde qońyraý qunyn qymbattatyp jiberetin.
Bir aıta keterligi, bul ótken jeltoqsan aıynda ekijaqty dıplomatııalyq qatynasty qalpyna keltirý týraly jospar bekitilgennen keıin jasalyp otyrǵan alǵashqy kelisim.
