1,5 jylǵa sottalǵan Nurasyl Turlyhanovtyń qorǵaýshylary apellıatsııalyq shaǵym túsirdi
ALMATY. KAZINFORM - Depýtat Dáýlet Turlyhanovtyń uly Nurasyl Bolattyń advokattary apellıatsııalyq shaǵym túsirdi. Bul aqparatty Almaty soty rastady.
«Apellıatsııalyq shaǵym tústi. Іs materıaldary is júrgizý merzimine baılanysty apellıatsııalyq sotqa áli jiberilgen joq», - dep habarlady Almaty sotynyń baspasóz qyzmeti.
Osyǵan deıin Almaty qalasy Medeý aýdanynyń No2 aýdandyq soty probatsııa qyzmetiniń Nurasyl Bolatqa qatysty jazany – bas bostandyǵyn shekteýdi odan aıyrýmen aýystyrý týraly ótinishhatyn negiz dep tanyp, ony 1 jyl 5 aı 10 kúnge bas bostandyǵynan aıyrǵan edi.
Áleýmettik jelide Májilis depýtaty Dáýlet Turlyhanovtyń bostandyǵy shektelgen uly Nurasyl Bolattyń túngi ýaqytta emin-erkin júrgen vıdeosy taraǵan bolatyn.
Eske sala keteıik, 2023 jyly aqpanda Nurasyl Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan edi.
Keıin sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi.
Odan bólek, Dáýlet Turlyhanov ulynyń isine aralaspaıtynyn aıtty.
Al, ótken jyly 2 shilde kúni ol merzimdi áskerı boryshyn ótep jatqan jeri – Qonaev garnızony áskerı bólimderiniń birinen qashyp ketken bolatyn.
Keıin kóp ótpeı tabylyp, qyzmet atqaratyn ornyna jetkizildi.
Almaty garnızony bólim bastyǵynyń buıryǵyna baǵynbaǵany jáne oryndamaǵany úshin ákimshilik jaýapkershilikke tartyldy.
2023 jyly 9 qazanda Dáýlet Turlyhanovtyń ulyna sot úkimi shyqty.
Prokýror sottalýshy B-ǵa 1 jyl 6 aı bas bostandyǵyn shekteý túrinde jaza taǵaıyndaýdy surady.
Bıyl mamyrda Joǵarǵy sot Dáýlet Turlyhanovtyń ulyna kesilgen úkimdi ózgertti. Sodan soń Dáýlet Turlyhanov ulynyń sot úkimine qatysty pikir bildirdi.
Májilis depýtaty Dáýlet Turlyhanovtyń uly Nurasyl Bolat probatsııalyq baqylaýdy elemegeni úshin bas bostandyǵynan aıyrylýy múmkin ekenin jazǵan bolatynbyz.
