1,5 jylda sottan tys bankrot rásimine 109 myńnan astam ótinish berildi

ASTANA. KAZINFORM – Qazaqstanda sottan tys bankrot rásimine 109 myń 696 adam ótinish berdi. Bul týraly Qarjy mınıstrligi Memlekettik kirister komıteti basqarmasynyń basshysy Merýert Sısembaeva málim etti.

Atap aıtqanda, elimizde qaryz máselesin sheshýdiń 3 rásimi eskerilgen, ıaǵnı sottan tys bankrottyq, sot arqyly bankrottyq jáne tólem qabiletin qalpyna keltirý joldary bar. Sottan tys bankrottyq bank, mıkroqarjy uıymdary men kollektorlyq agenttikter alyndaǵy 1600 AEK-ten (5,9 mln teńgeden aspasa) tómen bereshek boıynsha qoldanylady. Bul is-shara 6 aıǵa sozylady. Onyń barysynda boryshkerdiń shottaryndaǵy qarajatqa, múlikke qatysty monıtorıng jasalady. 

«Bıylǵy 19 tamyzdaǵy jaǵdaı boıynsha sottan tys bankrot rásimine 109 myń 696 adam ótinish berdi. 35 mlrd tegeden astam somaǵa 15,1 myń adam bankrot dep tanyldy. 109 myń ótinishtiń 76 paıyzdan astamy qarastyrylmaıtyn boldy, sebebi ol adamdardyń múlki jáne tólem qabileti bar ekeni anyqtalyp jatyr», - dedi M. Sısembaeva. 

Dál qazir 6,3 myń adam osy baǵyt boıynsha qamtylyp otyr, sondaı-aq 1,8 myń ótnish qaralyp jatyr. 

Eske salsaq, 2023 jyly 3 naýryzdan bankrottyqqa ótinim qabyldaý bastalady.