15 jylda alǵash ret «Býrabaı» ulttyq parkinde birde-bir órt faktisi tirkelgen joq
ASTANA. KAZINFORM — 15 jylda alǵash ret «Býrabaı» ulttyq parkinde órt qaýipti maýsymda birde-bir órt faktisi tirkelmegen. Bul týraly «Býrabaı» MUTP baspasóz qyzmeti málim etti.
— 4 qarashadan bastap «Býrabaı» MUTP memlekettik orman qory aýmaǵyndaǵy órt qaýipti kezeń resmı túrde aıaqtaldy. 15 jylda alǵash ret ulttyq park aýmaǵynda birde-bir órt bolǵan joq, — delingen habarlamada.
Esterińizge sala keteıik, «Býrabaı» ulttyq parki — tabıǵı baılyqty órtten saqtaý úshin Smart National Ragk Burabay tsıfrlyq monıtorıng júıesin paıdalanatyn elimizdegi jalǵyz park. Bul «aqyldy» júıe iske qosylǵannan beri tilsiz jaýdan keletin zalal ondaǵan ese azaıtty.
Órt qaýpi kúsheıgen maýsymda jedel basqarý ortalyǵynyń 9 qyzmetkeri Smart-júıeniń kameralary men sıgnaldaryn baqylaı otyryp, táýlik boıy jumys istegenin atap ótken jón.
Jyl basynan beri Ulttyq parktiń memlekettik ınspektorlary tabıǵat qorǵaý zańnamasyn buzýshylyqtardy anyqtaý úshin 309 reıd júrgizdi. Júrgizilgen reıdter kezinde demalýshylarmen jáne jergilikti turǵyndarmen túsindirme áńgimeler ótkizildi.
Buǵan deıin Býrabaı ulttyq parkiniń mamandary qalaı jumys isteıtinin kórsetken edik.
