15 jeltoqsan. Tulǵalar týǵan kún
Búgin, 15 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
70 jyl buryn (1955) QR memleket jáne qoǵam qaıratkeri, «Taý-ken óndirý jáne taý-ken metallýrgııa kásiporyndarynyń Respýblıkalyq Qaýymdastyǵy» ZTB atqarýshy dırektory, «Atameken» QR UKP Geologııalyq sala, taý-ken, kómir óndirý jáne metallýrgııa ónerkásibi komıtetiniń tóraǵasy Nıkolaı Vladımırovıch RADOSTOVETs dúnıege keldi.
Almaty qalasynda týǵan. 1976 jyly Almaty halyq sharýashylyǵy ınstıtýtyn bitirgen.
Eńbek jolyn ekonomıst, kishi ǵylymı qyzmetker, hatshy ǵalym, top jetekshisi, doktorant, Qazaqstan Ǵylym akademııasyndaǵy Ekonomıka ınstıtýty sektorynyń meńgerýshisi laýazymdarynan bastaǵan. 1999-2000 jyldary Eńbek jáne halyqty áleýmettik qorǵaý mınıstri bolyp qyzmet etti. Eldegi kóptegen ónerkásip, taýar óndirýshi, taý-ken metallýrgııa salasyndaǵy uıymdar men assotsıatsııalarǵa basshylyq jasady. 2004-2005 jyldary «Qazaqstannyń taýar óndirýshileri men eksporttaýshylary odaǵynyń» prezıdenti boldy. Geologııa salasy, taý-ken, kómir óndirý jáne metallýrgııa ónerkásibi komıtetiniń tóraǵasy, «Atameken» QR Ulttyq Kásipkerler palatasy tóralqasynyń múshesi (2015 jyldan bastap). 2019 jylǵy qazannan bastap Qazaqstannyń memlekettik jáne qoǵam qaıratkeri, QR Prezıdentiniń janyndaǵy Ulttyq ınvestorlar keńesiniń múshesi.
«Qurmet» (2005), «Parasat» (2013) ordenderimen, «Astana 20 jyl» (2018), «Qazaqstan Konstıtýtsııasyna 20 jyl», «Qazaqstan halqy Assambleıasyna 20 jyl» (2018) mereıtoılyq medaldarymen marapattalǵan.
67 jyl buryn (1958) tanymal sazger, qoǵam qaıratkeri jáne metsenat, Eýrazııa mádenıet qorynyń prezıdenti Erulan Musahanuly QANAPIıANOV dúnıege keldi.
Soltústik Qazaqstan oblysynyń Aıyrtaý aýdanynda týǵan. Qazaq memlekettik ýnıversıtetiniń tarıh fakýltetin bitirgen soń oqytýshylyq jáne qoǵamdyq jumystarmen aınalysqan.
1990 jyldyń basynan kásipkerlikpen shuǵyldanyp, «Jıhaz» AAQ prezıdenti, «Altyn-Tas» dırektory bolyp jumys istegen. N.Qulsarıevpen birlesip, Aral ekologııasy taqyrybyna arnalǵan «Taqyr» rok-opera-baletin qurǵan. 2001 jyly «Reka vremen» dep atalatyn avtorlyq mýzykalyq albomy jaryq kórdi. Albomǵa estradalyq orkestrde oınalatyn 9 mýzykalyq pesadan basqa «Arsenal» ansambli oryndaıtyn shyǵarmalary engen. «Qazaqstan – Aýstralııa» qaýymdastyǵynyń jáne «Altyn Adam» qorynyń prezıdenti, «Prız tradıtsıı» Halyqaralyq festıvaliniń bas dırektory qyzmetterin qosa atqaryp júr.
61 jyl buryn (1964) Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Elshisi Jalǵas Jumauly ÁDІLBAEV dúnıege keldi.
Atyraý oblysynyń Inder aýdanyndaǵy Jarsýat aýylynda týǵan. 1990 jyly S.Kırov atyndaǵy Qazaq memlekettik ýnıversıtetin úzdik bitirgen, 1994 jyly ál-Farabı atyndaǵy Qazaq ulttyq ýnıversıtetiniń aspırantýrasyn támamdady, PhD ǵylymı dárejesi bar.
QR Syrtqy ister mınıstrliginiń júıesinde 1998 jyldyń mamyrynan bastap jumys isteıdi. Dıplomatııalyq mansabyn QR SІM Memlekettik protokol basqarmasynyń bólim bastyǵy laýazymynan bastady, al 2000 jyly QR SІM Memlekettik protokol qyzmetin basqardy.
Ár jyldary Qazaqstannyń Lıtvadaǵy jáne Aýstrııadaǵy elshilikterinde keńesshi, keńesshi-ýákil bolyp jumys istedi. 2009-2010 jyldary Qazaqstannyń Gorgan qalasyndaǵy Bas konsýly qyzmetin atqardy. 2010-2015 jyldary QR SІM Ortalyq apparatynda Halyqaralyq ekonomıkalyq yntymaqtastyq komıteti tóraǵasynyń orynbasary jáne Erekshe tapsyrmalar jónindegi elshi retinde qyzmet atqardy. 2015-2017 jyldary Qazaqstannyń Armenııadaǵy Elshiliginiń keńesshi-ýákili boldy. 2017-2019 jyldary QR SІM Erekshe tapsyrmalar jónindegi elshisi laýazymyn atqardy. 2019-2022 jyldary Qazaqstannyń Mońǵolııadaǵy Elshisi boldy. 2022-2025 jyldary QR SІM Erekshe tapsyrmalar jónindegi elshisi qyzmetin atqardy.
Qazirgi qyzmetine 2025 jyldyń mamyrynda kiristi.
57 jyl buryn (1968) Qaraǵandy oblysy ákiminiń orynbasary Oraz Qaısauly TAÝRBEKOV dúnıege keldi.
Lenın komsomoly atyndaǵy sý astynda júzetin joǵary áskerı-teńiz ýchılışesin «shtýrmandyq korablder» mamandyǵy boıynsha, QR Eńbek mınıstrliginiń Qaraǵandy oqý ortalyǵyn (biliktilikti arttyrý ınstıtýty) «býhgalterlik esep jáne aýdıt» mamandyǵy, Reseı Federatsııasy Úkimetiniń Qarjy akademııasyn «qarjy jáne nesıe» mamandyǵy boıynsha támamdaǵan.
Eńbek jolyn Oktıabr aýdany boıynsha salyq ınspektsııasy kásipkerlerdiń salyq salý bóliminiń salyq ınspektory bolyp bastaǵan. 1994-1997 jyldary Qaraǵandy oblysyna qarasty salyq organdarynda, 1997-1999 jyldary Qaraǵandy qalasy boıynsha Salyq komıteti tóraǵasynyń mindetin atqarýshy qyzmetin atqarǵan. QR Kólik jáne týrızm mınıstrliginiń «Qazteńizkólikfloty» ulttyq teńiz keme qatynasy kompanııasy basqarma tóraǵasynyń mindetin atqarýshy, basqarma tóraǵasy boldy.
1999-2001 jyldary QR Memlekettik kiris mınıstrliginiń Salyq komıteti Qaraǵandy oblysy boıynsha Salyq komıteti tóraǵasynyń orynbasary, 2001-2002 jyldary Salyq komıtetiniń Pavlodar oblysy boıynsha salyq komıtetiniń tóraǵasy, Astana qalasynyń salyq komıteti tóraǵasynyń mindetin atqarýshy, tóraǵasy boldy. «Qazaqstan joldary», «Otyrar Kommertsstroı» JShS qarjy dırektory, «Magıstral» AOıÝL ekonomıka jáne qarjy jónindegi vıtse-prezıdenti, «Búrkit» FPK JShS atqarýshy dırektory, TEMK JShS bas dırektory, KOSS JShS dırektorynyń orynbasary, QR Qarjy mınıstrligi Dármensiz boryshkerlermen jumys komıteti tóraǵasy orynbasarynyń mindetin atqarýshy, tóraǵasynyń orynbasary, Qaraǵandy oblysy boıynsha Tekserý komıssııasynyń múshesi, Qaraǵandy oblysy ekonomıka basqarmasy basshysynyń mindetin atqarýshy, basshysy qyzmetterin atqardy. 2019-2022 jyldary Balqash qalasynyń ákimi, 2022-2024 jyldary Temirtaý qalasynyń ákimi boldy.
Qazirgi qyzmetin 2024 jyldyń qyrkúıek aıynan atqaryp keledi.
43 jyl buryn (1982) Qazaqstan Respýblıkasy Mádenıet jáne aqparat vıtse-mınıstri Qanat Jumabaıuly YSQAQOV dúnıege keldi.
Shymkent qalasynda týǵan. Ál-Farabı atyndaǵy Qazaq ulttyq ýnıversıtetin, M. Lomonosov atyndaǵy Máskeý memlekettik ýnıversıtetin támamdaǵan.
Eńbek jolyn 2005 jyly Memlekettik jastar saıasatyn damytý qorynyń jetekshi mamany retinde bastaǵan. 2006-2009 jyldary QR Mádenıet jáne aqparat mınıstrligi Qoǵamdyq-saıası jumys departamentiniń bas mamanynyń m.a., bas mamany, sarapshysy, 2009 jyly QR Parlamenti Májilisi depýtatynyń kómekshisi boldy. 2009-2011 jyldary QR Memlekettik hatshysy Hatshylyǵynyń konsýltanty, 2011-2012 jyldary QR PÁ Strategııalyq ázirlemeler jáne taldaý ortalyǵynyń sarapshysy; konsýltanty. 2012-2021 jyldary QR Prezıdenti Baspasóz qyzmetiniń sektor meńgerýshisi laýazymyn atqarǵan. 2021-2023 jyldary QR Aqparat jáne qoǵamdyq damý mınıstrligi Aqparat komıtetiniń tóraǵasy qyzmetinde boldy. 2023 jyly QR Aqparat jáne qoǵamdyq damý vıtse-mınıstri laýazymyn atqarǵan.
Qazirgi qyzmetin 2023 jyldyń qarasha aıynan bastap atqaryp keledi.
40 jyl buryn (1985) Sh.Esenov atyndaǵy Kaspıı tehnologııalar jáne ınjınırıng ýnıversıtetiniń rektory jáne prezıdenti Berik Baqytjanuly AHMETOV dúnıege keldi.
2006 jyly Ál-Farabı atyndaǵy Qazaq ulttyq ýnıversıtetin, 2009 jyly mehanıka-matematıka fakýlteti Aqparattyq júıeler kafedrasynyń aspırantýrasyn bitirgen.
Eńbek joly: 2006-2013 jyldary Ál-Farabı atyndaǵy QazUÝ aqparattyq júıeler kafedrasynyń oqytýshysy, aǵa oqytýshysy, dotsenti, 2011-2017 jyldary QazUÝ oqý protsesi bóliminiń bastyǵy, oqý-ádistemelik basqarmasynyń bastyǵy, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń oqý-ádistemelik jumys jónindegi vıtse-prezıdenti, 2017-2020 jyldary Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory boldy.
Qazirgi qyzmetin 2020 jyldan atqaryp keledi.