15 jeltoqsan. Tulǵalar týǵan kún

Búgin, 15 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

73 jyl buryn (1950) QR memleket jáne saıası qaıratkeri Ahmetjan Smaǵululy ESІMOV dúnıege keldi.

Almaty oblysy Qaskeleń aýdanynda týǵan. Qazaq aýyl sharýashylyǵy ınstıtýtyn, Reseı Qoǵamdyq ǵylymdar akademııasyn bitirgen.

Eńbek joly: 1990-1992 jyldary Qazaq KSR Memlekettik agroónerkásiptik komıteti tóraǵasynyń birinshi orynbasary, 1992-1994 jyldary Almaty oblysy ákimshiliginiń basshysy, 1994-1996 jyldary QR Premer-Mınıstriniń orynbasary, 1996-1998 jyldary QR Memlekettik hatshysy, QR Premer-Mınıstriniń birinshi orynbasary – Investıtsııa jónindegi memlekettik komıtettiń tóraǵasy boldy. 1998-2001 jyldary QR Prezıdenti Ákimshiliginiń basshysy, Benılıýks elderindegi (Belgııa Koroldigi, Nıderland Koroldigi jáne Lıýksembýrg Uly Gertsogtigi) QR Tótenshe jáne Ókiletti elshisi, 2001-2002 jyldary QR Aýyl sharýashylyǵy mınıstri, 2002-2004 jyldary QR Premer-Mınıstriniń orynbasary – QR Aýyl sharýashylyǵy mınıstri, 2004-2006 jyldary QR Premer-Mınıstriniń orynbasary qyzmetterin atqardy. 2006-2008 jyldary QR Aýyl sharýashylyǵy mınıstri, 2008-2015 jyldary Almaty qalasynyń ákimi boldy. 2015 jyldyń tamyzynan «Astana EKSPO-2017» Ulttyq kompanııasynyń» AQ basqarma tóraǵasy bolyp taǵaıyndaldy.

Ekonomıka ǵylymdarynyń doktory, «Qurmet belgisi», «Parasat», «Otan», «Qazaqstan Respýblıkasynyń Tuńǵysh Prezıdenti Nursultan Nazarbaev», «Sińirgen eńbegi úshin» kavalerlik krest ordenderimen, medaldarmen marapattalǵan.

72 jyl buryn (1951) Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Qaýysbekuly TURYSBEKOV dúnıege keldi.

Ońtústik Qazaqstan oblysynda týǵan. Qazaq hımııa-tehnologııalyq ınstıtýtyn jáne Almaty joǵary partııa mektebin bitirgen.

Eńbek joly: 1973-1977 jyldary Qazaq hımııa-tehnologııa ınstıtýtynyń oqytýshysy – komsomol uıymynyń hatshysy, 1977-1979 jyldary Qazaqstan LKJO Shymkent oblystyq komıtetiniń «Spýtnık» halyqaralyq jastar týrızmi bıýrosynyń tóraǵasy, 1979-1980 jyldary Qazaqstan LKJO Túlkibas aýdandyq komıtetiniń birinshi hatshysy bolyp eńbek etti. 1980-1990 jyldary Qazaqstan KP Túlkibas aýdandyq komıtetiniń ekinshi hatshysy, aýdandyq atqarý komıtetiniń tóraǵasy, 1990-1991 jyldary Túlkibas aýdandyq partııa komıtetiniń birinshi hatshysy, 1991-1992 jyldary halyq depýtattary Túlkibas aýdandyq keńesiniń tóraǵasy, 1992 jyldan Túlkibas aýdany ákimshiliginiń ákimi, 1992-1993 jyldary Ońtústik Qazaqstan oblystyq ákimshiligi ákiminiń orynbasary, 1993 jylǵa mamyrdan – birinshi orynbasary, 1993 jylǵy jeltoqsannan ákimi boldy. 1995-1997 jyldary Ońtústik Qazaqstan oblysynyń ákimi, 1997-1999 jyldary QR Kóshi-qon jáne demografııa agenttiginiń tóraǵasy, 1999-2000 jyldary Prezıdenti Ákimshiligi basshysynyń orynbasary – QR Prezıdenti Ákimshiligi Uıymdastyrý-baqylaý bóliminiń meńgerýshisi, 2000-2003 jyldary QR Memlekettik qyzmet isteri agenttiginiń tóraǵasy qyzmetterin atqardy. 2003-2005 jyldary QR ishki ister mınıstri, 2005-2007 jyldary QR Memlekettik qyzmet isteri agenttiginiń tóraǵasy, 2007-2009 jyldary QR-nyń Ózbekstandaǵy Tótenshe jáne Ókiletti elshisi, 2009-2012 jyldary QR-nyń Reseıdegi Tótenshe jáne Ókiletti elshisi bop eńbek etti. 2012-2015 jyldary QR-nyń Ýkraınadaǵy Tótenshe jáne Ókiletti elshisi, QR-nyń Moldova Respýblıkasyndaǵy tótenshe jáne Ókiletti elshisi qyzmetin qosa atqarǵan, 2015-2017 jyldary «Nur Otan» partııasynyń hatshysy boldy.

Qazirgi qyzmetin 2017 jyldyń maýsym aıynan atqaryp keledi.

«Qurmet» ordenimen, 4 medalmen marapattalǵan.

68 jyl buryn (1955) QR memleket jáne qoǵam qaıratkeri, «Taý-ken óndirý jáne taý-ken metallýrgııa kásiporyndarynyń Respýblıkalyq Qaýymdastyǵy» ZTB atqarýshy dırektory, Qazaqstan Respýblıkasy Básekelestikti qorǵaý jáne damytý agenttigi Qoǵamdyq keńesiniń múshesi Nıkolaı Vladımırovıch RADOSTOVETs dúnıege keldi.

Almaty qalasynda týǵan. 1976 jyly Almaty halyq sharýashylyǵy ınstıtýtyn bitirgen.

Eńbek jolyn ekonomıst, kishi ǵylymı qyzmetker, hatshy ǵalym, top jetekshisi, doktorant, Qazaqstan Ǵylym akademııasyndaǵy Ekonomıka ınstıtýty sektorynyń meńgerýshisi laýazymdarynan bastaǵan. 1999-2000 jyldary Eńbek jáne halyqty áleýmettik qorǵaý mınıstri bolyp qyzmet etti. Eldegi kóptegen ónerkásip, taýar óndirýshi, taý-ken metallýrgııa salasyndaǵy uıymdar men assotsıatsııalarǵa basshylyq jasady. 2004-2005 jyldary «Qazaqstannyń taýar óndirýshileri men eksporttaýshylary odaǵynyń» prezıdenti boldy. Geologııa salasy, taý-ken, kómir óndirý jáne metallýrgııa ónerkásibi komıtetiniń tóraǵasy, «Atameken» QR Ulttyq Kásipkerler palatasy tóralqasynyń múshesi (2015 jyldan bastap). 2019 jylǵy qazannan bastap Qazaqstannyń memlekettik jáne qoǵam qaıratkeri, QR Prezıdentiniń janyndaǵy Ulttyq ınvestorlar keńesiniń múshesi.

2005 jyly «Qurmet» ordenimen marapattalyp, Qazaqstan Respýblıkasy Prezıdentiniń alǵys hatyna ıe bolǵan.

65 jyl buryn (1958) tanymal sazger, qoǵam qaıratkeri jáne metsenat, Eýrazııa mádenıet qorynyń prezıdenti Erulan Musahanuly QANAPIıANOV dúnıege keldi.

Soltústik Qazaqstan oblysynyń Aıyrtaý aýdanynda týǵan. Qazaq memlekettik ýnıversıtetiniń tarıh fakýltetin bitirgen soń oqytýshylyq jáne qoǵamdyq jumystarmen aınalysqan.

1990 jyldyń basynan kásipkerlikpen shuǵyldanyp, «Jıhaz» ashyq aktsıonerlik qoǵamynyń prezıdenti, «Altyn-Tas» dırektory bolyp jumys istegen. N. Qulsarıevpen birlesip, Aral ekologııasy taqyrybyna arnalǵan «Taqyr» rok-opera-baletin qurǵan. 2001 jyly «Reka vremen» dep atalatyn avtorlyq mýzykalyq albomy jaryq kórdi. Albomǵa estradalyq orkestrde oınalatyn 9 mýzykalyq pesadan basqa «Arsenal» ansambli oryndaıtyn shyǵarmalary engen. «Qazaqstan – Aýstralııa» qaýymdastyǵynyń jáne «Altyn Adam» qorynyń prezıdenti, «Prız tradıtsıı» Halyqaralyq festıvaliniń bas dırektory qyzmetterin qosa atqaryp júr.

55 jyl buryn (1968) Temirtaý qalasynyń ákimi Oraz Qaısauly TAÝRBEKOV dúnıege keldi.

Lenın komsomoly atyndaǵy sý astynda júzetin joǵary áskerı-teńiz ýchılışesin «shtýrmandyq korablder» mamandyǵy boıynsha, QR Eńbek mınıstrliginiń Qaraǵandy oqý ortalyǵyn (biliktilikti arttyrý ınstıtýty) «býhgalterlik esep jáne aýdıt» mamandyǵy, Reseı Federatsııasy Úkimetiniń Qarjy akademııasyn «qarjy jáne nesıe» mamandyǵy boıynsha támamdaǵan.

Eńbek jolyn Oktıabr aýdany boıynsha salyq ınspektsııasy kásipkerlerdiń salyq salý bóliminiń salyq ınspektory bolyp bastaǵan. 1994-1997 jyldary Qaraǵandy oblysyna qarasty salyq organdarynda, 1997-1999 jyldary Qaraǵandy qalasy boıynsha Salyq komıteti tóraǵasynyń mindetin atqarýshy qyzmetin atqarǵan. QR Kólik jáne týrızm mınıstrliginiń «Qazteńizkólikfloty» ulttyq teńiz keme qatynasy kompanııasy basqarma tóraǵasynyń mindetin atqarýshy, basqarma tóraǵasy boldy. 1999-2001 jyldary Qazaqstan Respýblıkasy Memlekettik kiris mınıstrliginiń Salyq komıteti Qaraǵandy oblysy boıynsha Salyq komıteti tóraǵasynyń orynbasary, 2001-2002 jyldary Salyq komıtetiniń Pavlodar oblysy boıynsha salyq komıtetiniń tóraǵasy, Astana qalasynyń salyq komıteti tóraǵasynyń mindetin atqarýshy, tóraǵasy boldy. «Qazaqstan joldary», «Otyrar Kommertsstroı» JShS qarjy dırektory, «Magıstral» AOıÝL ekonomıka jáne qarjy jónindegi vıtse-prezıdenti, «Búrkit» FPK JShS atqarýshy dırektory, TEMK JShS bas dırektory, KOSS JShS dırektorynyń orynbasary, Qazaqstan Respýblıkasy Qarjy mınıstrligi Dármensiz boryshkerlermen jumys komıteti tóraǵasy orynbasarynyń mindetin atqarýshy, tóraǵasynyń orynbasary, Qaraǵandy oblysy boıynsha Tekserý komıssııasynyń múshesi, Qaraǵandy oblysy ekonomıka basqarmasy basshysynyń mindetin atqarýshy, basshysy qyzmetterin atqardy. 2019-2022 jyldary Balqash qalasynyń ákimi boldy.

Qazirgi qyzmetin 2022 jyldyń qyrkúıek aıynan atqaryp keledi.

46 jyl buryn (1977) Astana qalasy №2 Baıqońyr aýdany sotynyń tóraǵasy Kemeńger Bolatuly IMAShEV dúnıege keldi.

Qaraǵandy qalasynda týǵan. 1998 jyly QR ІІM Qaraǵandy joǵary mektebin, 2015 jyly Máskeý qalasynyń Zamanaýı gýmanıtarlyq akademııasyn, 2016 jyly - Qaztutynýodaǵynyń Qaraǵandy ekonomıkalyq ýnıversıtetin bitirgen.

Eńbek jolyn 1998 jyly Qaraǵandy qalasynyń ishki ister organdarynda bastaǵan. 1998-2000 jyldary Qaraǵandy qalalyq ІІB tergeýshi, 2000-2001 jyldary Qaraǵandy qalasy prokýratýrasy bólim prokýrorynyń m.a., 2001 jyly Qaraǵandy qalasy Sovet aýdany prokýrory kómekshisiniń m.a., Qaraǵandy qalasy Sovet aýdany prokýrorynyń kómekshisi, Temirtaý qalasy prokýrorynyń kómekshisi, 2001-2002 jyldary Temirtaý qalasy prokýrorynyń aǵa kómekshisi, 2002-2003 jyldary Qaraǵandy oblystyq prokýratýrasynyń azamattyq ister boıynsha sot qaýlylarynyń zańdylyǵyn qadaǵalaý basqarmasynyń prokýrory, 2003-2004 jyldary Qaraǵandy oblystyq prokýratýrasynyń azamattyq jáne ákimshilik ister boıynsha atqarýshylyq is-júrgizý zańdylyǵyn qadaǵalaý prokýrorynyń kómekshisi, 2004-2005 jyldary Qaraǵandy oblystyq prokýratýrasynyń azamattyq jáne ákimshilik ister boıynsha atqarýshylyq is-júrgizý zańdylyǵyn qadaǵalaý bóliminiń prokýrory, 2005-2013 jyldary Temirtaý qalasynyń mamandandyrylǵan aýdanaralyq ákimshilik sotynyń sýdıasy, 2013-2018 jyldary Qaraǵandy qalasynyń mamandandyrylǵan aýdanaralyq ákimshilik sotynyń tóraǵasy, 2018 jyly Qaraǵandy oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń sýdıasy qyzmetterin atqardy.

Qazirgi qyzmetin 2018 jyldan atqaryp keledi.

38 jyl buryn (1985) Sh. Esenov atyndaǵy Kaspıı tehnologııalar jáne ınjınırıng ýnıversıtetiniń rektory jáne prezıdenti Berik Baqytjanuly AHMETOV dúnıege keldi.

Ál-Farabı atyndaǵy Qazaq ulttyq ýnıversıtetin, Aqparattyq júıelerdi (2006), mehanıka-matematıka fakýlteti Aqparattyq júıeler kafedrasynyń aspırantýrasyn (2009) bitirgen.

Eńbek joly: 2006-2013 jyldary Ál-Farabı atyndaǵy QazUÝ aqparattyq júıeler kafedrasynyń oqytýshysy, aǵa oqytýshysy, dotsenti, 2011-2017 jyldary QazUÝ oqý protsesi bóliminiń bastyǵy, oqý-ádistemelik basqarmasynyń bastyǵy, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń oqý-ádistemelik jumys jónindegi vıtse-prezıdenti, 2017-2020 jyldary Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory boldy.

Qazirgi qyzmetin 2020 jyldan atqaryp keledi.