15 jeltoqsan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
15 jeltoqsan. SEISENBІ
Ýkraın sot qyzmetkerleriniń kúni. 2000 jylǵy 8-shi jeltoqsandaǵy Ýkraın Prezıdentiniń Qaýlysymen bekitilgen.
Halyqaralyq shaı kúni. Halyqaralyq shaı kúnin atap ótý sheshimi 2004 jyly Mýmbaıda (Úndistan) jáne 2005 jyly Portý Alegrıde (Brazılııa) ótken Dúnıejúzilik qoǵamdyq forým ishinde kóptegen halyqaralyq uıymdarda jáne kásipodaqtarda birneshe ret talqylanǵannan keıin qabyldandy.
Tıisinshe, merekeni shaı óndirý basty oryndardyń birine aınalǵan elderde atap ótiledi, bular - Úndistan, Shrı-Lanka, Bangladesh, Nepal, Qytaı, Vetnam, Indonezııa, Kenııa, Malaızııa, Ýganda, Tanzanııa.
ESTE QALAR OQIǴALAR
20 jyl buryn (1995) baspasóz betterinde Elbasy N.Nazarbaev qol qoıǵan «Qazaqstan Respýblıkasy Joǵarǵy Keńesiniń ókilettiligin merziminen buryn toqtatý týraly» jáne «Qazaqstan Respýblıkasy Prezıdenti men jergilikti ákimshilik basshylaryna ýaqytsha qosymsha ókilettilikter berý týraly» Zańdar jarııalandy.
20 jyl buryn (1995) Jambyl qalasynda Qazaqstan, Ózbekstan, Qyrǵyzstan Respýblıkalary basshylarynyń Memleketaralyq keńesi ótti. Keńes uıǵarymymen Qorǵanys mınıstrleri keńesi týraly ereje bekitilip, ol aımaqtyń qaýipsizdigi, áskerı yntymaqtastyq salasyndaǵy búkil máselelerdi qaraıtyn bolyp sheshildi.
16 jyl buryn (1999) Prezıdent N.Á.Nazarbaev Qazaqstan Respýblıkasy ulttyq qaýipsizdiginiń strategııasyn bekitti.
14 jyl buryn (2001) Qazaqstan Respýblıkasynyń «Azamattyq avıatsııany memlekettik retteý týraly» Zańy jaryq kórdi.
10 jyl buryn (2005) Qazaqstan Respýblıkasy Qarýly Kúshteriniń tarıhynda alǵash ret áıel azamat polkovnık ataǵyn aldy. Qorǵanys mınıstriniń buıryǵymen QR Qorǵanys mınıstrligi Bas klınıkalyq gospıtaliniń gınekologııalyq bóliminiń bastyǵy Gúlfarıda Baıdildaevaǵa medıtsına qyzmetiniń polkovnıgi ataǵy berildi.
10 jyl buryn (2005) Qaraǵandy oblysy Jańaarqa aýdanynyń Atasý kentinde Atasý-Alashańqaı munaı qubyry jelisiniń tazartý qurylǵysy iske qosyldy. Munaı jelisiniń №1-shi ysyrmasyn Qytaı munaı-gaz korporatsııasynyń prezıdenti Chen Gon myrza men «QazMunaıGaz» UK AQ prezıdenti Uzaqbaı Qarabalın ashty.
10 jyl buryn (2005) Oral qalasynda Qazaqstan halyqtary kishi assambleıasy shyǵarǵan «Jemisti on jyl: baqyt basy - birlik, baılyq basy - tirlik» atty kitaptyń tanystyrylymy bolyp ótti.
Qos tildegi ádemi bezendirilgen jınaqta Qazaqstan halyqtary kishi assambleıasy men onyń quramyna kiretin mádenı-ulttyq ortalyqtar men birlestikterdiń san qyrly qyzmeti týraly materıaldar toptastyryldy.
10 jyl buryn (2005) Ońtústik Qazaqstannyń Saryaǵash aýdanynda jańa temirjol termınalynyń saltanatty ashylý rásimi bolyp ótti.
«Saryaǵash» stansasy Ózbekstan shekarasynan 3 shaqyrym jerde ornalasqan. Ótkel arqyly Reseı men Ortalyq Azııany baılanystyratyn, Iran men Qytaıǵa deıingi baratyn kóptegen baǵyttar ótedi. Stansada quramalardy jasaqtaý, júkterdi resimdeý, kedendik jáne sanıtarlyq baqylaý jáne basqa da operatsııalar júrgizýge arnalǵan zamanaýı quraldar ornatylǵan. Temirjoldyń ústinen júk kótergishtigi 80 tonnaǵa jetetin úlken avtokólik kópiri salynǵan.
8 jyl buryn (2007) Tájikstan Respýblıkasynyń astanasy Dýshanbede tájik-aýǵan shekarasynda qaza bolǵan qazaqstandyq jaýyngerlerge arnalǵan monýment ashyldy.
Dýshanbeniń ortalyǵynda ornalasqan monýmentte 35 qazaqstandyq jaýyngerler esimi qashalyp jazylǵan.
7 jyl buryn (2008) Aqtóbede Ábilqaıyr han dańǵylynda Táýelsizdik monýmenti ashyldy - Almatyda Respýblıka alańynda ornalasqan eskertkishtiń kishireıtilgen kóshirmesi. Eskertkish meshit pen «Nurdáýlet» saýda ortalyǵynyń qasynda ornalasty, aqtóbelik kásipker Erbol Baıjarqynovtyń qarajatyna ashyldy. Postament mármárdan jasalǵan, barystaǵy altyndalǵan «Altyn adam» denesi metall men keramıkadan jasalǵan. Eskertkishtiń bıiktigi 20 metrden asady.
4 2 jyl buryn (1973) Nıý-Iork qalasynda kompozıtor Robert Ýılsonnyń «Iosıf Stalınniń ómiri» atty eń uzaq operasy qoıyldy. Ol 13 saǵat 25 mınýtqa sozyldy.
5 jyl buryn (2010) Túrkistanda tarıhı-mádenı etnografııalyq ortalyq ashyldy.
4,600 sharshy metr alańmen úsh qabatty ǵımaratta ekspozıtsııalyq zal, konferents-zal, sheberhanalar, zertteý jumysyna arnalǵan ǵıarattar bar. Ortalyq mindeti - Túrkistan tarıhyn zerdeleý jáne onyń Qazaqstan tarıhyndaǵy róli bolyp tabylady.
5 jyl buryn (2010) Petropavl qalasynda qalalyq máslıhattyń XXHII kezekten tys sessııasy ótti, onyń aıasynda Petropavldyń eki saıabaǵyna belgili qazastandyq qaıratkerlerdiń ataýyn berý máselesi qaralady.
Birine Shoqan Ýálıhanov, ekinshisine Úkili Ybyraıdyń esimi. Bul saıabaqtarda olarǵa arnap eskertkish ornatyldy.
5 jyl buryn (2010) alys stansalarda jáne razezderde turatyn halyqqa medıtsınalyq kómek kórsetý, temirjolshylar men olardyń otbasy múshelerine medqyzmetterdi qamtamasyz etý maqsatynda qurylǵan «Járdem» konsýltatıvtik-dıagnostıkalyq medıtsınalyq poıyz tanystyryldy.
4 jyl buryn (2011) Qazaqstan fýtbol federatsııasy ÝEFA sýdıalyq konventsııasynyń tolyqqandy múshesi atandy.
4 jyl buryn (2011) Qazaqstanda EýrAzEQ bas hatshysy Taıyr Mansurovtyń «Nursultan Nazarbaevtyń iske asyrylǵan eýrazııalyq jobasy» kitabynyń shyǵarý qurmetine jańa pochta markasy aınalymǵa shyqty.
4 jyl buryn (2011) elordalyq sheber Ivan Jdanov Qazaqstannyń Táýelsizdik kúnine oraı qazaqsha et salýǵa arnalǵan álemdegi eń úlken tabaq ázirledi. Onyń dıametri 4 metrdi qurady.
Ol negizinen aǵashtan jasalyp, sheti qazaqı oıýlarymen bezendirilgen.
Bir jyl buryn (2014) Qyzylorda oblysynda Qorqyt ata memorıaldyq keshenin qaıta jóndeý jumystary aıaqtaldy.
Keshenge ozyq tehnologııalar, materıaldar paıdalanyldy. Qazaqstandyq belgili sáýletshi Bek Ybyraevtyń jobasy boıynsha dekoratıvti elementtermen bezendirildi.
ESІMDER
10 5 jyl buryn (1910-1981) Qazaqstannyń qoǵam jáne saıası qaıratkeri BEKTASOV Áshimbek Júnisbekuly dúnıege keldi.
Shyǵys Qazaqstan oblysynda týǵan. Omby jumysshylar fakýltetin, Búkilodaqtyq Kommýnıstik (Bolshevıkter) partııasy Ortalyq komıteti janyndaǵy Joǵary úgitshiler mektebin, Taldyqorǵan aýylsharýashylyǵy tehnıkýmyn bitirgen.
1933-1935 jyldary - Semeı oblystyq partııa komıtetiniń nusqaýshysy. 1935-1937 jyldary - Qazaq KSR Kommýnıstik partııasy Ortalyq Komıtetiniń nusqaýshysy. 1937-1938 jyldary - Ońtústik Qazaqstan oblystyq atqarý komıteti tóraǵasynyń mindetin atqarýshysy, Arys aýdandyq partııa komıtetiniń birinshi hatshysy. 1938-1940 jyldary - Qazaq KSR Eginsharýashylyǵynyń halyq komıssary. 1940-1942 jyldary - Qazaq KSR Sý sharýashylyǵynyń halyq komıssary. 1943-1945 jyldary - Aqmola oblystyq atqarý komıteti tóraǵasynyń birinshi orynbasary. 1945-1947 jyldary - Qyzylorda bógeti qurylysynyń bastyǵy. 1947-1948 jyldary - Taldyqorǵan eldi mekenderi boıynsha egindi anyqtaý jónindegi aýdanaralyq memlekettik ınspektor, Taldyqorǵan oblystyq melıoratıvti jaıylym tresti keńsesiniń bastyǵy. 1948-1949 jyldary - Taldyqorǵan oblystyq shıkizat daıyndaý bóliminiń bastyǵy. 1949-1950 jyldary - Taldyqorǵan oblystyq melıoratıvti jaıylym tresti keńsesiniń bastyǵy. 1950-1952 jyldary - Taldyqorǵan oblystyq mal sharýashylyǵyn daıyndaý basqarýshysynyń orynbasary. 1952-1953 jyldary - Taldyqorǵan oblystyq «Rostkaýchýk» keńsesiniń bastyǵy. 1953-1956 jyldary - «Kazgıprovodelektro» birlestigi dırektorynyń orynbasary. 1956-1961 jyldary - Respýblıkalyq Halyq sharýashylyǵy kórmesiniń dırektory. 1956-1957 jyldary Qazaq KSR Aýyl sharýashylyǵy mınıstriniń orynbasary qyzmetterin atqarǵan. 1961 jyldan zeınetkerlik demalysta bolǵan.
«Mádı» atty kitaby jaryq kórgen.
1-dárejeli Otan soǵysy ordenimen jáne medaldarmen marapattalǵan.
10 2 jyl buryn (1913-1990) aqyn, Qazaqstannyń halyq jazýshysy, Qazaqstan Memlekettik syılyǵynyń laýreaty, Pavlodar qalasynyń qurmetti azamaty, Uly Otan soǵysynyń ardageri BEKHOJIN Qalıjan Nurǵojauly dúnıege keldi.
Pavlodar qalasynda týǵan. 1938 jyldan soǵysqa attanǵanǵa deıin Qazaqstan komsomoly Ortalyq Komıtetiniń baspasynda, Qazaqstan Jazýshylar odaǵynda, Til jáne ádebıet ınstıtýtynda, soǵystan keıin Til jáne ádebıet ınstıtýtynda, Qazaqstan Jazýshylar odaǵynda jumys istedi. 1949 jyldan shyǵarmashylyq jumysta boldy. Alǵashqy lırıkalyq týyndylarynda zamandastarynyń qıyndyqqa toly kúrdeli ómirin jyrlady. «Orman qyzy», «Kek», «Aqsaq qulan», «Aleksandr Nevskıı», «Jıyrma segiz», «Marııam Jagorqyzy», «Turlaýly taǵdyr», «Seri kúıshi» atty poemalardyń avtory. Ol «Qazaq sovet ádebıeti» atty orta mektepke arnalǵan oqýlyqty jazýǵa qatysty. Pesalary respýblıkalyq, oblystyq teatrlarda qoıyldy. «Ulan asý» pesasy qazaq halqynyń jońǵar shapqynshylyǵyna qarsy kúresiniń qolbasshysy Abylaı hannyń erlik jolyna arnalǵan. Kórkem aýdarma salasynda A.Pýshkın, M.Gorkıı shyǵarmalaryn qazaq tiline tárjimalaǵan. Bekhojınniń óleńderi men poemalary TMD elderi halyqtarynyń tilderine aýdarylyp, keńinen tanylǵan.
Eki ret «Eńbek Qyzyl Tý», «Halyqtar dostyǵy» ordenderimen marapattalǵan.
9 2 jyl buryn (1923-1912) fılologııa ǵylymynyń kandıdaty, dotsent, aqyn, Qazaqstan Jazýshylar Odaǵynyń múshesi RAIYMBEKOV Ábýlaqap dúnıege keldi.
Qaraǵandy oblysynyń Ulytaý aýdanynda týǵan. Qazaq memlekettik ýnıverıtetiniń fılologııa fakýltetin jáne aspırantýrasyn bitirgen. Jezqazǵan aýdandyq «Qyzyl kenshi» gazetiniń ádebı qyzmetkeri, jaýapty hatshysy, redaktordyń orynbasary, respýblıkalyq «Lenınshil jas» gazetiniń ádebı qyzmetkeri, Jezqazǵan kenishiniń shahteri, orta mekteptiń, kásiptik ýchılışeniń muǵalimi qyzmetterin atqarǵan. 1966-1971 jyldary - Tashkenttegi Nızamı atyndaǵy pedagogıkalyq ınstıtýttyń oqytýshysy. 1971-1976 jyldary - Qazaq KSR Ǵylym akademııasy M.Áýezov atyndaǵy Ádebıet jáne óner ınstıtýtynyń ǵylymı qyzmetkeri. 1980 jyldan Qazaq memlekettik ýnıversıtetiniń dotsenti bolǵan. Aqynnyń «Taý uly», «Jezdarııa», «Jumysshy mártebesi», «Qushtar kóńil», «Qurysh bilek» atty óleńder men poemalar jınaqtary, «Qazaq poezııasyndaǵy jumysshy beınesi», «Jumysshy mártebesi» atty monografııalary jaryq kórgen.
9 1 jyl buryn (1924-2002) aktrısa, Qazaqstannyń halyq ártisi BÁKІROVA Sholpan dúnıege keldi. Taldyqorǵan qalasynda týǵan. Taldyqorǵan qazaq drama teatrynyń, Qyzylorda oblystyq qazaq drama teatrynyń aktrısasy qyzmetterin atqarǵan. M.Áýezovtiń «Eńlik - Kebeginde» Eńliktiń, «Qara qypshaq Qobylandysynda» Kóklannyń, Ǵ.Músirepovtiń «Qozy Kórpesh - Baıan sulýynda» Baıan, «Aqan seri - Aqtoqtysynda» Aqtoqty, Sh.Aıtmatovtyń «Ana - Jer-anasynda» Tolǵanaıdyń, M.Kárimniń «Aı tutylǵan túninde» Tańqabıkeniń, Ý.Shekspırdiń «Korol Lırinde» Gonerılıanyń rólderin oryndaǵan.
8 6 jyl buryn (1929-2013) keskindemeshi, Qazaqstannyń halyq sýretshisi, Qazaqstannyń eńbek sińirgen óner qaıratkeri YSMAIYLOVA Gúlfaırýs Mansurqyzy dúnıege keldi. Almaty qalasynda týǵan. Almaty kórkemsýret ýchılışesin, Sankt-Peterbor I.Repın atyndaǵy keskindeme, músin jáne sáýlet óneri ınstıtýtyn bitirgen. Almaty kórkemsýret ýchılışesiniń oqytýshysy, Abaı atyndaǵy Qazaq memlekettik akademııalyq opera jáne balet teatrynyń bas sýretshisi qyzmetterin atqarǵan. A.Sátbaevtyń «Aqbópe», L.Stepanov pen N.Tilendıevtiń «Doroga drýjby», S.Muhamedjanovtyń «Jumbaq qyz», E.Rahmadıevtiń «Alpamys», E.Brýsılovskııdiń «Qozy-Kórpesh - Baıan sulý», Dj.Pýchchınıdiń «Bogema», «Chıo-Chıo-san», Dj.Verdıdiń «Aıda» operalary men baletterine, «Qyz Jibek» fılmine dekoratsııalar jasaǵan. «Qazaq valsi. Shara Jıenqulovanyń portreti», «Ǵ.Músirepovtiń «Aqyn tragedııasy» pesasyndaǵy Aqtoqty rólindegi Sholpan Jandarbekovanyń portreti», «Qyz Jibek rólindegi Kúlásh Baıseıitovanyń portreti», «Halyq sheberi», «Dına Núrpeıisovanyń portreti», «Á.Qasteevtiń portreti», «M.Áýezovtiń portreti», «S.Muqanovtyń portreti» atty kóptegen portretterdiń, natıýrmorttardyń avtory. «Tarlan» syılyǵynyń ıegeri. «Qurmet belgisi», «Halyqtar dostyǵy», «Parasat» ordenderimen marapattalǵan.
7 7 jyl buryn (1938) fılologııa ǵylymynyń doktory, professor, Qazaqstan Respýblıkasy Gýmanıtarlyq ǵylymdar akademııasynyń akademıgi ORAZAEV Faızolla Murtazauly dúnıege keldi.
Ońtústik Qazaqstan oblysynyń Túrkistan aýdanynda týǵan. Qazaq memlekettik ýnıversıtetin, Abaı atyndaǵy Qazaq memlekettik pedagogıkalyq ınstıtýtynyń aspırantýrasyn bitirgen. 1958-1962 jyldary «Lenınshil jas» gazetiniń, «Mádenıet jáne turmys» jýrnalynyń ádebı qyzmetkeri bolyp jumys istegen. 1962-1966 jyldary - «Qazaqfılm» kınostýdııasynyń aǵa redaktory. 1969-1970 jyldary - «Juldyz» jýrnaly syn bóliminiń meńgerýshisi. 1970-1979 jyldary - Qazaqstan Ǵylym akademııasy M.Áýezov atyndaǵy Ádebıet jáne óner ınstıtýtynyń aǵa ǵylymı qyzmetkeri. 1979-1995 jyldary - Qazaq memlekettik ýnıversıteti jýrnalıstıka tarıhy kafedrasynyń meńgerýshisi. 1995 jyldan Almaty halyqaralyq jýrnalıstıka ınstıtýtynyń, 2000 jyldan Halyqaralyq mamandyqtar ýnıversıtetiniń rektory. 1995 jyldan Qazaqstan Respýblıkasy Gýmanıtarlyq ǵylymdar akademııasynyń prezıdenti qyzmetin atqarǵan. Ǵalymnyń «Qazaq teatrynyń tarıhy» (І-ІІ tom), «Stıl syry», «Ýaqyt jáne qalamger», «Jastyq shaq teatry», «Basty tulǵa» kitaptary jaryq kórgen. Kórkem aýdarma salasynda M.Gorkıı, P.Qadyrov, Ý.Hashımov, A.Stanıýkovıchtiń shyǵarmalaryn aýdarǵan.
7 7 jyl buryn (1938) aqyn, Qazaqstan Jýrnalıster odaǵynyń A.Baıtursynov atyndaǵy júldesiniń ıegeri, Buhar jyraý jáne Asqar Toqmaǵambetov músháıralarynyń júldegeri OSPAN Seıfolla dúnıege keldi.
Qyzylorda oblysynyń Tereńózek aýdanynda týǵan. Qazaq memlekettik ýnıversıteti fılologııa fakýltetiniń jýrnalıstıka bólimin bitirgen. «Jazýshy», «Raýan», «Qazaqstan» baspalarynyń korrektory, redaktory, Abaı atyndaǵy memlekettik opera jáne balet teatry ádebıet bóliminiń meńgerýshisi, «Qazaqfılmniń» aýdarmashysy ári redaktory, «Ara-Shmel» jýrnalynyń bólim meńgerýshisi, halyqaralyq «Túrkistan» gazetiniń menshikti tilshisi qyzmetterin atqarǵan. «Qalaqaı», «Ne jaman?», «Balaqoıǵan», «Jalbyz», «Jazǵy jaýyn», «Baqytqa hat», «Qundyzym, meniń juldyzym», «Ar men án», «Janarymda jan syrym», «Kóńil sáýlesi», «Samala» óleńder men poemalar jınaqtarynyń, «Muńlyq - Zarlyq», «Asan men Úsen», «Aıaz bı» pesalarynyń avtory. Kórkem aýdarma salasynda Á.Jámıdiń jyr jınaǵyn, segiz tomdyq «Myń bir túnniń» 12 myń joldyq poezııasyn, A.Tverskoıdyń N.Hıkmet jaıly «Bosfor ústindegi án» atty ómirbaıandyq kitabyn jáne kıno salasynda 60 shaqty fılmdi, onyń ishinde tutastaı óleńmen jazylǵan «Rústem - Zorab», «Sııaýysh týraly ańyz» fılmderi jyrlaryn, qyrǵyzdyń «Aıchýrek» operasy lıbrettosyn qazaqshalaǵan. Jekelegen shyǵarmalary shet el tilderine aýdarylǵan.
Qazaqstan Respýblıkasy Prezıdentiniń alǵys hatymen, «Mádenıet qaıratkeri» belgisimen marapattalǵan.
6 5 jyl buryn (1950) ekonomıka ǵylymdarynyń doktory, «Astana EKSPO-2017» UK» AQ Basqarmasynyń Tóraǵasy ESІMOV Ahmetjan Smaǵululy dúnıege keldi.
Almaty oblysy Qaskeleń aýdanynda týǵan Qazaq aýyl sharýashylyq ınstıtýtyn, Reseı Qoǵamdyq ǵylymdar Akademııasyn bitirgen.
1990-1992 jyldary - Qazaq KSR Memlekettik agroónerkásiptik komıteti tóraǵasynyń birinshi orynbasary. 1992-1994 jyldary - Almaty oblysy ákimshiliginiń basshysy. 1994-1996 jyldary - Qazaqstan Respýblıkasy Premer-mınıstriniń orynbasary. 1996-1998 jyldary - Qazaqstan Respýblıkasynyń Memlekettik Hatshysy, Qazaqstan Respýblıkasy Premer-mınıstriniń birinshi orynbasary - Investıtsııa jónindegi memlekettik komıtettiń tóraǵasy. 1998-2001 jyldary - Qazaqstan Respýblıkasy Prezıdenti Ákmishiliginiń basshysy, Benılıýks elderindegi (Belgııa Koroldigi, Nıderlandy Koroldigi jáne Lıýksembýrg Uly Gertsogtigi) Qazaqstan Respýblıkasynyń Tótenshe jáne Ókiletti elshisi. 2001-2002 jyldary - Qazaqstan Respýblıkasynyń Aýyl sharýashylyq mınıstri. 2002-2004 jyldary - Qazaqstan Respýblıkasy Premer-mınıstriniń orynbasary - Qazaqstan Respýblıkasynyń Aýyl sharýashylyq mınıstri. 2004-2006 jyldary - Qazaqstan Respýblıkasy Premer-mınıstriniń orynbasary. 2006-2008 jyldary Qazaqstan Respýblıkasynyń Aýyl sharýashylyq mınıstri qyzmetterin atqarǵan. 2008 jyldan - Almaty qalasynyń ákimi qyzmetin atqarǵan.
2008 jyldan - «Nur Otan» partııasynyń qalalyq fılıalynyń tóraǵasy.
2015 jyldyń 9 tamyzynan - «Astana EKSPO-2017» Ulttyq kompanııasynyń» AQ Basqarma Tóraǵasy bolyp taǵaıyndaldy
«Qurmet belgisi», «Parasat», «Otan», «Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev», "Sińirgen eńbegi úshin" kavalerlik krest ordenderimen, medaldarmen marapattalǵan.
6 4 jyl buryn (1951) QR-nyń Ýkraınadaǵy Tótenshe jáne Ókiletti elshisi, QR-nyń Moldova Respbýlıkasyndaǵy tótenshe jáne Ókiletti elshisi qyzmetin qosa atqarýshy TURYSBEKOV Zaýytbek Qaýysbekuly dúnıege keldi.
Ońtústik Qazaqstan oblysynda týǵan. Qazaq hımııa-tehnologııalyq ınstıtýtyn jáne Almaty joǵary partııa mektebin bitirgen.
1973 jyldan - Qazaq hımııa-tehnologııa ınstıtýtynyń oqytýshysy - komsomol uıymynyń hatshysy. 1977 jyldan Qazaqstan LKJO Shymkent oblystyq komıtetiniń «Spýtnık» halyqaralyq jastar týrızmi bıýrosynyń tóraǵasy. 1979 jyldan Qazaqstan LKJO Túlkibas aýdandyq komıtetiniń birinshi hatshysy. 1980 jyldan - Qazaqstan KP Túlkibas aýdandyq komıtetiniń ekinshi hatshysy, aýdandyq atqarý komıtetiniń tóraǵasy, 1990 jyldan - Túlkibas aýdandyq partııa komıtetiniń birinshi hatshysy. 1991 jyldan - halyq depýtattary Túlkibas aýdandyq keńesiniń tóraǵasy. 1992 jyldan - Túlkibas aýdany ákimshiliginiń ákimi. 1992 jylǵy mamyrdan Ońtústik Qazaqstan oblystyq ákimshiligi ákiminiń ornbasary, 1993 jylǵa mamyrdan - birinshi orynbasary, 1993 jylǵy jeltoqsannan - ákimi. 1995 jyldan Ońtústik Qazaqstan oblysynyń ákimi. 1997 jylǵy jeltoqsannan - QR Kóshi-qon jáne demografııa agenttiginiń tóraǵasy. 1999 jylǵy qańtardan - QR Prezıdenti Ákimshiligi basshysynyń orynbasary - QR Prezıdenti Ákimshiligi Uıymdastyrý-baqylaý bóliminiń meńgerýshisi. 2000 jyldan - QR Memlekettik qyzmet isteri agenttiginiń tóraǵasy. 2003 jyldan - QR ishki ister mınıstri. 2005 jyldan QR Memlekettik qyzmet isteri agenttiginiń tóraǵasy. 2007 jyldan - QR-nyń Ózbekstandaǵy Tótenshe jáne Ókiletti elshisi. 2009 jylǵy tamyzdan - QR-nyń Reseıdegi Tótenshe jáne Ókiletti elshisi. Qazirgi qyzmetinde - 2012 jylǵy sáýirden beri.
«Qurmet» ordenimen 4 medalmen marapattalǵan.
5 7 jyl buryn (1958) kompozıtor, Qazaqstan Kompozıtorlar odaǵynyń múshesi QANAPIıANOV Erulan Musahanuly dúnıege keldi.
Soltústik Qazaqstan oblysynyń Aıyrtaý aýdanynda týǵan. Qazaq memlekettik ýnıversıtetiniń tarıh fakýltetin bitirgen soń oqytýshylyq jáne qoǵamdyq jumystarmen aınalysqan. 90-shy jyldardyń basynan kásipkerlikpen shuǵyldanyp, «Jıhaz» ashyq aktsıonerlik qoǵamynyń prezıdenti, «Altyn-Tas» dırektory bolyp jumys istegen. N.Qulsarıevpen birlesip, Aral ekologııasy taqyrybyna arnalǵan «Taqyr» rok-operabaletin qurǵan. 2001 jyly «Reka vremen» dep atalatyn avtorlyq mýzykalyq albomy jaryq kórgen. Albomǵa estradalyq orkestrde oınalatyn 9 mýzykalyq pesasynan basqa «Arsenal» ansambli oryndaıtyn shyǵarmalary engen. Qazir «Qazaqstan - Avstralııa» qaýymdastyǵynyń jáne «Altyn-Adam» qorynyń prezıdenti, «Prız tradıtsıı» Halyqaralyq Festıvaliniń bas dırektory qyzmetterin atqarady.
18 3 jyl buryn (1832-1923) frantsýz ınjeneri, Parıjdegi onyń qurmetine atalǵan munaranyń avtory Aleksandr Gýstav EIFELЬ dúnıege keldi.