15 jastaǵy jasóspirimge qol kótergen depýtat tutqyndaldy
ASTANA. QazAqparat - Ulybrıtanııanyń Qaýymdar palatasynyń 54 jastaǵy depýtaty Erık Djoıs sońǵy úsh jylda tórtinshi ret qamaýǵa alyndy. Bul joly ol 15 jastaǵy jasóspirimmen tóbeleskeni úshin ustaldy, dep jazady sheteldik BAQ.
Oqıǵa Londonnyń barlary jáne meıramhanalarymen tanymal Kemden aýdanynda boldy. Parlamentshiniń sózine qaraǵanda, ol «qoǵamdyq moraldi» qorǵaý úshin janjalǵa aralasqan.
Polıtsııa qyzmetkerleri Djoıs sabaǵan jasóspirimniń denesinen soqqy izderin tapty. Onyń osyndaı daý-jandaldyń arasynda júrýi birinshi ret emes eken. 2012 jyly Djoısty parlament barynda saıası qarsylastarmen tóbeleskeni úshin Leıborıster partııasynan shyǵaryp jibergen. Soǵan uqsas oqıǵa bir jyl buryn bolǵan. Onda Djoıs Qaýymdar palatasynyń birinde janjal shyǵarǵan.
Djoıs kelesi jyly parlamenttiń tómengi palatasyna kezekti saılaýǵa túspeıtinin habarlady.
