15 jastaǵy jasóspirim Olımpıada chempıony atandy

PHENChHAN. QazAqparat - Búgin Olımpıada oıyndaryn uıymdastyrý komıteti Ońtústik Koreıada ótip jatqan Phenchhan qalasynda ótip jatqan álemdik básekeniń basty oqıǵalarynyń birin aıtty, dep habarlaıdy QazAqparat tilshisi.  

Olımpıada týy astynda synǵa túsip jatqan Reseı quramasynyń 15 jastaǵy sportshysy Alına Zagıtova alǵashqy altyn medaline qol jetkizdi. Olımpıada komıteti muny búgingi kúnniń basty jańalyqtaryna balady.

«Alına Zagıtova 18 jastaǵy óziniń otandasy Evgenııa Medvedevanyń aldyn orap ketti. Osylaısha ol Phenchhan Olımpıadasyndaǵy eń jas chempıon sportshylardyń biri atandy», - dep jazdy komıtettiń baspasóz qyzmeti.

Esterińizge sala keteıik, búgin mánerlep syrǵanaýdan erkin baǵdarlamada synǵa túsken otandasymyz Elızabet Tursynbaeva qos saıys qorytyndysy boıynsha Olımpıada oıyndaryn 12-shi orynmen aıaqtaǵan bolatyn. 

Foto: www.pyeongchang2018.com/ Getty Images