15 jastaǵy qazaqstandyq frıstaıldan Álem chempıonatynda «qola» aldy
NUR-SULTAN. QazAqparat – Almatyda ótip jatqan frıstaıl-mogýldan Álem chempıonaty barysynda «paralleldi mogýldan» áıelder arasyndaǵy jeńimpazdar anyqtaldy, dep habarlaıdy QazAqparat Olympic.kz saıtyna silteme jasap.
Bul synda Qazaqstan qorjyny qola júldemen tolyqty. 15 jastaǵy qazaqstandyq Anastasııa Gorodko álemdik synda alǵash ret úzdik úshtikke endi. Kishi fınalda Gorodko kanadalyq Sofıa Gegnonmen jarysyp, qarsylasynan oq boıy ozyq boldy. Altyn júldeni reseılik Anastasııa Smırnova, kúmisti onyń otandasy Anastasııa Lazarenko ıelendi.
Osylaısha, Anastasııa Gorodko Qazaqstan komandasy úshin frıstaıl-mogýldan úshinshi medaldi jeńip aldy. Keshe ıÝlııa Galysheva – kúmis, Pavel Kolmakov qola medal alǵan edi.
Eske salaıyq, frıstaıl-mogýldan álemdik doda Shymbulaqta ótip jatyr.
