15 jastaǵy qazaqstandyq shahmatshynyń álemniń vıtse-chempıonymen oıyny sensatsııamen aıaqtaldy
15 jastaǵy qazaqstandyq shahmatshy Ernur Amangeldi (reıtıngi — 2012) Ózbekstannyń Samarqan qalasynda ótip jatqan rapıdten álem chempıonatynyń ekinshi týrynda reseılik grossmeıster ıAn Nepomnıaşıımen oınady. Kazinform bul týraly Sports.kz-ke silteme jasap habarlaıdy.
E.Amangeldi qara fıgýralarmen oınady. Match teń aıaqtaldy.
Eske salaıyq, bıylǵy 7 sáýir – 1 mamyr aralyǵynda reseılik ıAn Nepomnıaşıı men qytaılyq Dın Lıjen Astana qalasynda klassıkalyq shahmattan álem chempıony ataǵy úshin ótken saıysta baq talastyrǵan bolatyn. Match 14 partııadan turdy. Taı-breıkke ulasqan oıyn nátıjesinde D.Lıjen jeńiske jetti.
Jyldam shahmattan Samarqan qalasyndaǵy álem chempıonaty 26 – 30 jeltoqsan kúnderi ótýde. 26 – 28 jeltoqsanda – rapıdten, 29 – 30 jeltoqsanda blıtsten saıystar ótedi.
