15 jasqa tolǵan 30 myńnan asa qazaqstandyq oqýshy halyqaralyq zertteýge qatysady
ASTANA. KAZINFORM — Qazaqstanda mektepterge arnalǵan PISA-2024 zertteýi bastaldy. bul týraly Oqý-aǵartý mınıstrliginiń baspasóz qyzmeti málimdedi.
2024 jyldyń 18 qarashasy men 25 jeltoqsany aralyǵynda elimizdiń 1 myń bilim berý uıymynda halyqaralyq PISA zertteýi júrgizilýde. Oǵan 15 jasqa tolǵan 30 myńnan astam qazaqstandyq oqýshy qatysady.
Zertteý dástúrli PISA ádisnamasyna negizdelgen jáne oqý saýattylyǵy, matematıka, jaratylystaný ǵylymdary sekildi fýnktsıonaldyq saýattylyqtyń negizgi daǵdylaryn baǵalaıdy. Sonymen qatar bul zertteý arqyly bilim berý uıymdaryna syrtqy baǵalaý júrgiziledi. Onyń nátıjeleri oqýshylardyń oqý úlgerimine áser etetin negizgi faktorlardy anyqtaýǵa baǵyttalǵan.
«Mektepterge arnalǵan PISA zertteýi jyl saıyn júzege asyrylady jáne ár mektep boıynsha jeke esepter usyna otyryp, nátıjelerdi taldaýǵa múmkindik beredi. Bul mektepterge bilim berý sapasyn arttyrý baǵytyndaǵy strategııalar men baǵdarlamalardy ázirleýde mańyzdy qural bolady. Zertteý oqý oryndarynyń kúshti jáne álsiz jaqtaryn anyqtap, qajetti sharalardy qabyldaýǵa kómektesedi, osylaısha bilim berý protsesin jaqsartýǵa yqpal etedi», — dep atap ótti Bilim berý salasyndaǵy sapany qamtamasyz etý komıteti tóraǵasynyń orynbasary Maıra Meldebekova.
Aıta ketý kerek, «Mektepterge arnalǵan PISA» zertteýin Ekonomıkalyq yntymaqtastyq jáne damý uıymy júrgizedi. Oǵan 2021-2023 jyldar aralyǵynda elimizdiń 2200 bilim berý uıymdary qatysty.
