15 jasqa deıingi fýtbol festıvali Palestına men Izraıl oıynymen bastalýy yqtımal
ASTANA. KAZINFORM — FIFA 15 jasqa deıingi oıynshylar arasyndaǵy alǵashqy fýtbol festıvalin Palestına men Izraıl arasyndaǵy matchpen ashýdy usyndy, dep habarlaıdy Anadoly.
Qyrkúıek aıynda AQSh-ta ótýi josparlanǵan is-sharaǵa barlyq 211 federatsııalyq múshe qatysa alady.
FIFA-nyń festıvaldi Palestına men Izraıl arasyndaǵy matchpen bastaý usynysy eki federatsııanyń ókilderin 30 sáýirde ótetin jyl saıynǵy kongreste sahnada qol alysyp, birge sýretke túsýge shaqyrǵan FIFA prezıdenti Djannı Infantınonyń bastamasynan keıin jasaldy.
Palestına fýtbol federatsııasynyń prezıdenti Djıbrıl Radjýb pen Izraıl fýtbol federatsııasynyń vıtse-prezıdenti Basım Sheıh Sýleıman Kanadanyń Vankýver qalasynda ótken kongreste delegattarǵa bólek sóz sóıledi, al prezıdent Infantıno eki ókildi de sahnaǵa qaıta shaqyrý arqyly olardyń basyn qosqysy keldi.
Radjýb Infantınonyń ótinishin qabyldamaı, «Biz qınalyp jatyrmyz» dedi. Elderdiń festıvalge qatysý-qatyspaýy ázirge belgisiz.
Buǵan deıin «Real Madrıd» «Chelsı» komandasynan Kýkýrelıany $70 mln dollarǵa satyp alǵanyn jazǵanbyz.
