Kolýmbııalyq senatorǵa alty ret oq atqan 15 jasar jasóspirim ustaldy

ASTANA. KAZINFORM – Prezıdenttikke úmitker kolýmbııalyq senator Mıgel Ýrıbege jasalǵan qastandyq Bogotadaǵy saılaý aldyndaǵy mıtıngi kezinde, jaqtastary aldynda sóz sóılegen kezde bolǵan, dep habarlaıdy RIA agenttegine silteme jasap. 

– Shabýyl jasady dep boljanǵan adam – ​​Ýrıbeniń kúzetshileri jaralaǵan 15 jasar jasóspirim, - dep jazady jergilikti El Tiempo gazeti. 

Ol 1,5 metr qashyqtyqtan senatordyń arqasynan shamamen alty ret atqan, oqtyń biri Ýrıbeniń basyna tıgen. Atys kezinde taǵy eki adam jaralanǵan.

Qazirgi kezde saıasatker aýrýhanada jatyr. Shabýyldaýshyny Ýrıbeniń kúzetshileri jaralap, ustady. 

Kýágerlerdiń aıtýynsha, kámeletke tolmaǵan shabýyldaýshy oqıǵa ornyna mototsıklmen kelgen. 

Eske sala keteıik, buǵan deıin Fınlıandııada Qorǵanys mınıstrliginiń ǵımaratyna boıaý shashylǵanyn jazǵan edik.