15 jasar jasóspirimdi ajaldan qutqaryp alǵan serjant madaqtaýǵa usynyldy
ASTANA. Tamyzdyń 3-i. QazAqparat - Aqtaý qalasy mańynda teńiz sýyna batyp bara jatqan 15 jasar jasóspirimdi qutqaryp alǵan QR ІІM Іshki áskeriniń serjanty Berik Ermekbaev janqııarlyǵy men batyldyǵy úshin madaqtaýǵa usynyldy,
dep habarlaıdy QazAqparat ІІM Іshki áskeriniń baspasóz qyzmetine silteme jasap.
Áskerı narıad qatarynda qyzmette júrgen B. Ermekbaev sol kúni Aqtaý qalasynda teńiz jaǵalaýyna jaqyn aýdandardyń birinde qoǵamdyq tynyshtyq kúzetinde bolatyn. Kenet teńiz jaqtan kómekke shaqyrǵan daýysty estıdi. Kaspııde, jaǵalaýdan 10 metrge jýyq qashyqtyqta sýǵa batyp bara jatqan balany kórgen ol, qutqarý úshin birden sýǵa qaraı júgiredi. Sýyq sýda aıaǵynyń sińiri tartylyp qalǵan balany jaýynger aman-esen jaǵalaýǵa alyp shyǵady.
Áskerı boryshyn kelisimshart boıynsha ótep júrgen B. Ermekbaev, QR ІІM Іshki áskeri qolbasshysynyń sheshimimen madaqtaýǵa usynyldy.
