15 jasar oqýshy sút bezi qaterli isiginiń mýtatsııalanǵan genin anyqtaıtyn programma oılap tapty
ALMATY. QazAqparat - 15 jasar bostondyq oqýshy sút bezi qaterli isiginiń mýtatsııalanǵan genin anyqtaıtyn programma oılap tapqany úshin 65-shi ret ótip jatqan Intel International Science and Engineering Fair baıqaýynda birinshi oryn alyp, $75 myń kóleminde syıaqy aldy.
Jas ǵalym sút bezi qaterli isiginiń mýtatsııalanǵan genin zertteıtin baǵdarlamalyq qural oılap tapqan. Ortaq ǵylymı málimetterdi paıdalana otyryp, qaterli isikke qarsy BRCA1 geniniń barlyq qasıetin zerttegen. Onyń baǵdarlamasy arqyly aǵzada bolyp jatqan ózgeristerdiń qaýiptiligin bolmasa qaýipsizdigin anyqtaýǵa bolady. Jas ǵalymnyń usynǵan ǵylymı sheshimi 81 paıyzdyq dáldikke ıe ekendigi anyqtaldy. Endigi kezekte onyń ǵylymı jetistigi sút bezi dertiniń paıda bolýyn anyqtaý men aldyn-alýda paıdalanylatyn boldy. Bul baıqaýǵa almatylyq oqýshy Ádilsultan Lepes te matematıka sektsııasy boıynsha qatysqan bolatyn. Onyń «100 teńsizdiktiń balama dáleli: qatystylardyń bóliný ádisi» jobasy 4 orynǵa laıyq dep tanyldy. «Álem ózniń bolashaǵy úshin durys sheshim taba alatyn ǵalymdarǵa, olardyń adamzattyń ıgiligine qyzmet etetin ǵylymı jetistikterine muqtaj. Intel bolashaqtaǵy ınnovatsııalyq tóńkeristerdiń avtory jastar ekendigine senedi. Búgingi jeńimpazdar ózge mektep oqýshylaryn da ómirin ǵylymmen, matematıkamen baılanystyrýǵa yntalandyrady dep senemin», - dedi Intel Foundation qorynyń dırektory Vendı Hokıns.
