15 jasar qyz eki adamǵa pyshaq salǵan qylmyskerdi ustady
ASTANA. QazAqparat - Reseıdegi Túmen qalasynyń turǵyndary nebári 15 jastaǵy Katıa Pımenovanyń erligin keńinen talqylaýda. Óz úıiniń aýlasynda er adamnyń eki jas azamatqa pyshaq salǵanyn kórgen ol esh saspastan qylmyskerge tura umtylyp, qoldaryn qaıyryp, jerge atyp urdy.
Jedel járdem men polıtseıler kelgenshe i qylmyskerdi ornynan typyr etkizbedi Oǵan qoıan-qoltyq urystan úırengen ádisteri kómektesken. Osy arada kórshiler de kelip, qan-josa bolyp jatqan zardap shegýshilerge kómektesti. Ókinishke oraı, japa shekken azamattyń bireýi sol jerde ajal qushty. Ekinshisi shuǵyl aýrýhanaǵa jetkizildi.
Eki kún buryn bolǵan oqıǵany kórshiler jyr qyp aıtady. «15 jasar Katıa qolynda pyshaǵy jalańdaǵan er adamdy qarýsyzdandyrdy»,-deıdi olar. Kóp qabatty úıdiń aýlasynda áli kúnge deıin qan daqtary baıqalady.
Osy mańnan ótip bara jatqan adamdar ózara eregisip qalǵan. Onyń sońy tóbeleske ulasyp, pyshaqtasýmen aıaqtaldy.
Qazirgi kezde eki adamdy pyshaqtaǵan bul azamat ýaqytsha ustaý abaqtysyna qamaldy. Tergeý keleńsiz oqıǵanyń barlyq mán-jaılaryn anyqtaıtyn bolady.
