15 jasar qyz 11-qabattan qulap, aman qaldy
MÁSKEÝ. TASS-QazAqparat –Máskeýde Novoperedelkınskıı kóshesindegi kópqabatty úıdiń 11-qabatyndaǵy páter terezesinen qulaǵan on bes jasar qyz aman qaldy. Quqyq qorǵaý organy ókilderiniń aıtýynsha, ol omby qarǵa qulaǵandyqtan, tiri qalǵan, dep habarlaıdy QazAqparat TASS agenttigine silteme jasap.
«Keshke Novoperedelkınskıı kóshesindegi kópqabatty úıdiń 11-qabatyndaǵy páterdiń biriniń terezesinen 15 jasar qyzdyń qulaǵany týraly habar keldi. Qyz aman qalǵanymen túrli jaraqattar aldy, sondaı-aq mıy shaıqalǵan. Qazirgi ýaqytta ol aýrýhanada jatyr», - dep habarlady agenttik.
Osy oqıǵaǵa baılanysty tergeýshiler tekseris júrgizip jatyr.
