15 jasar qyz 71 jastaǵy týysynan júkti bolyp qalǵan — balalar ombýdsmeni

ASTANA. KAZINFORM — QR Bala quqyqtary jónindegi ýákil Dınara Zakıeva Túrkistan oblysynda bolǵan daýly oqıǵaǵa qatysty pikir bildirdi. Onyń sózinshe 15 jastaǵy qyz 71 jastaǵy týysynan júkti bolyp, bosanǵan. 

Zakıevanyń aıtýynsha, bul ispen Іshki ister mınıstrligi men oblystyq prokýratýra aınalysyp jatyr.

Jasóspirim qyz 2025 jyldyń qańtarynda bosanǵan. Alaıda bul jaǵdaı boıynsha anasy polıtsııaǵa tek qazan aıynda aryz bergen.

– Qyz bala Astanada bosanǵan mezgilde ǵana, aýrýhana qyzmetkerleri bul týraly qalalyq polıtsııaǵa habarlaǵan. Astana qalasy Polıtsııa departamenti bul derekti KÝI-ǵa (aqparattardy esepke alý kitaby) tirkep, jergilikti mekenjaıy boıynsha Túrkistan oblysyna joldaǵan. Alaıda Keles aýdany polıtsııa bólimi bul materıaldy nomenklatýralyq iske jibergen. Qazirgi ýaqytta bul jaǵdaı boıynsha ІІM men oblystyq prokýratýra tekseris júrgizip jatyr, – dedi balalar ombýdsmeni.

Eske sala keteıik, buǵan deıin Aqtóbede oqýshy qyz bosanǵannan keıin qylmystyq is qozǵaldy.

Qazaqstanda jasóspirimder orta eseppen 15-19 jas aralyǵynda erte jynystyq qatynasty bastaıtyny anyqtaldy. Qatynasqa túsken jasóspirimderdiń 16,7%-y keminde bir ret júkti bolǵan. Sonyń ishinde — 62%-y bosanǵan, 22%-y — jasandy túsik jasatqan. Jasóspirimderdiń 16%-ynda júktilik ózdiginen túsik tastaýmen aıaqtalǵan.