15 jasar qazaqstandyq tennısshi eresekter arasyndaǵy halyqaralyq týrnırge joldama aldy
ASTANA. QazAqparat – 15 jasar Zara Dárken alǵash ret eresekter arasyndaǵy halyqaralyq týrnırge joldama aldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Z.Dárken ITF jáne WTA reıtıngisine kirmese de, Italııanyń Solarıno qalasynda ITF World Tennis Tour W15 serııasy boıynsha ótip jatqan dodanyń irikteý saıystaryn sátti ótkizdi.
Zara irikteý saıystarynyń alǵashqy aınalymynda ıtalııalyq Djordjı Pattıdi 6:1, 6:2 esebimen tize búktirdi. Al irikteý saıystarynyń fınalynda taǵy bir kort ıesi Kamılla Lervolınony 6:1, 6:4 esebimen joldan taıdyrdy.
Negizgi jarysta Aqtóbe tennıs mektebiniń túlegi dúnıejúzilik reıtıngte 1236-orynda turǵan 25 jastaǵy ulybrıtanııalyq Abıgeıl Amospen sheberlik baıqasady.
Eske sala keteıik, budan buryn Aleksandr Býblıktiń Paris Masters týrnırinde jeńilip qalǵanyn jazǵan bolatynbyz.
Foto: ktf.kz
