15 jasar belgııalyq ekinshi doktorlyq dárejesin alyp, úshinshicine daıyndalyp jatyr

ASTANA. KAZINFORM — 15 jastaǵy Loran Sımons ekinshi doktorlyq dárejesin qorǵady jáne medıtsına men jasandy ıntellekt salasyndaǵy zertteýlerdi biriktiretin úshinshi doktorlyq dárejesimen jumys istep jatyr.

Bild málimetinshe, belgııalyq Loran Sımons ekinshi doktorlyq dárejesin 15 jasynda alǵan. Ol alǵashqy doktorlyq dárejesin 12 jasynda qorǵady. Loran mektep attestatyn segiz jasynda alǵan, 11 jasynda magıstr dárejesine ıe boldy, al qazirgi ýaqytta Mıýnhendegi Gelmgolts ortalyǵynda medıtsına men jasandy ıntellekt úılesimin zerttep, úshinshi doktorlyq dárejesin alýǵa daıyndalyp jatyr.

— Men Maıkl Djordan sııaqty sekirip, olımpıadashylar sııaqty júgiretin sýperadamdardy jaratqym keledi, — dep baıandady Loran.

Jasóspirimniń sońǵy dıssertatsııasy teorııalyq kvanttyq fızıkaǵa arnalǵan. Ol buryn eksperımenttik fızıka boıynsha dıssertatsııa qorǵaǵan.

Lorannyń aıtýynsha, oǵan óziniń fotografııalyq jady men kúrdeli qubylystar arasyndaǵy baılanysty tez taba bilý qabileti kómektesip otyr.

Lorannyń ata-anasy onyń erekshe qabiletteri erte jastan baıqalǵanyn atap ótti. Ol mektepke tórt jasynda bardy, al alty jasynda jeke oqytatyn gımnazııaǵa tústi. Segiz jasynda emtıhandar tapsyrdy, al toǵyz jasynda ýnıversıtetke tústi, al 12 jasynda Maks Plank ınstıtýty tarıhyndaǵy eń jas doktoranttardyń biri boldy.

Budan buryn Qytaıda alǵash ret robot doktorantýraǵa qabyldanǵany belgili boldy.