15 tonna júkti qujatsyz shekara asyrmaq bolǵan Qyrǵyz azamaty ustaldy
ASTANA. 4 jeltoqsan. QazAqparat - Qazaqstan-Reseı shekara beketinde qazaqstandyq shekarashylar kontrabandalyq júktiń jolyn kesti.
Aqtóbe shekara otrıadyna qarasty «Jaısań avto» baqylaý-ótkizý beketiniń narıady jalpy salmaǵy 15 tonna bolatyn júkti qujatsyz ótkizýge tyrysqan 49 jastaǵy Qyrǵyz eliniń azamatyn ustady.
Tekserý barysynda «Skanııa» avtokóliginen uıaly telefondar, qolsaǵattar, beınejazý qurylǵysy bar shaǵyn ushý apparattary, avtokólikke arnalǵan beınetirkeýshi quraldar, jaryq beretin, sondaı-aq halyq tutynatyn taýarlar anyqtaldy.
Atalǵan derek boıynsha tergeý amaldary júrgizilýde, dep habarlady QR UQK ShQ baspasóz qyzmetinen.
