15 tonna altyn alý josparlanǵan: Memleket basshysyna iri jobanyń jumysy tanystyryldy

ASTANA. QazAqparat – Memleket basshysyna Poly Metal International plc halyqaralyq kompanııasy qolǵa alǵan iri jobanyń júzege asyrylý barysy jóninde málimet berildi, dep habarlaıdy QazAqparat Aqordaǵa silteme jasap.

Joba aıasynda quramynda altyny bar 300 myń tonna kontsentratty qaıta óńdep, odan 15 tonna altyn alý josparlanǵan. Óndiriske quıylatyn ınvestıtsııa kólemi – 347 mıllıard teńge. Budan bólek, Prezıdentke óńirdegi elektroenergetıkalyq kásiporyndardyń tehnıkalyq jaǵdaıy týraly baıandaldy.

Oblys ákimi GRES-1 jáne GRES-2 energobloktaryn, sondaı-aq Aqsý qalasyndaǵy №7 elektrostantsııany jańǵyrtý jumystary 2024 jyly aıaqtalatynyn aıtty. Sonymen qatar Asaıyn Baıhanov azyq-túlik óndirisin ulǵaıtý perspektıvasy jóninde málimet berdi. Onyń aıtýynsha, oblysta sút óndirisi jáne ony qaıta óńdeý kólemi artyp keledi. Bıyl qosymsha 10 jańa zamanaýı ferma salynady. Oǵan 30 mıllıard teńgeden astam ınvestıtsııa tartylǵan.

Kezdesý sońynda Qasym-Jomart Toqaev áleýmettik-ekonomıkalyq damý josparynyń oryndalýyn qamtamasyz etýdi jáne áleýetti ınvestorlar tartý boıynsha jumystardy jalǵastyrýdy tapsyrdy.