15 tamyzda Qazaqstannyń basym bóligi joǵary qysym yqpalynda bolady - aýa raıy boljamy
ASTANA. 14 tamyz. QazAqparat - 15 tamyzda Qazaqstannyń basym bóligi joǵary qysym yqpalynda bolady. Jalpy aýa raıy jaýyn-shashynsyz bolady dep kútilýde, respýblıkanyń ortalyǵy, soltústigi jáne shyǵysynda keı jerlerde tuman túsýi baıqalady.
Bul týraly Qazgıdrometke silteme jasap, QR TJM baspasóz qyzmetinen habarlady.
Qazaqstannyń shyǵys bóliginde atmosferalyq aǵyndardyń ótýine baılanysty naızaǵaı jarqyldap, jańbyr jaýady, jel kúsheıedi.
Jambyl, Ońtústik Qazaqstan oblystarynda keı jerlerde jel 15-20 m/s-qa kúsheıedi, kúndiz ekpindi jel soǵyp, jel kúshi 25 m/s-qa deıin jetedi. Ońtústik Qazaqstan oblysynda shań kóterilip, daýyl turady.
Aqmola, Qostanaı, Soltústik Qazaqstan, Qaraǵandy oblystarynda túnde jáne tańerteń keı jerlerde tuman túsedi dep kútilýde.
Shyǵys Qazaqstan oblysynyń jekelegen aýdandarynda túnde jáne tańerteń tuman túsedi dep kútilýde, kúndiz - jel 15-20 m/s-qa kúsheıedi.
Qyzylorda oblysynda, kúndiz Atyraý oblystynyń keı jerlerinde jel 15-20 m/s-qa kúsheıedi, shań kóterilip, daýyl turady.
Atyraý oblysynda, Batys Qazaqstan, Mańǵystaý oblystarynyń keı jerlerinde kúndiz qatty ystyq bolady dep kútilýde.
Respýblıkanyń ońtústiginde, ortalyǵynyń keı jerlerinde jáne ońtústik-shyǵysynda tótenshe joǵary órt qaýpi saqtalady.
Batys Altaı ózenderindegi (Kúrshim, Buqtyrma, Oba, Turǵysyn jáne t.b.) jaýyn-shashynǵa baılanysty jaqyn táýlikterde áli de sý deńgeıi kóterile túsýi múmkin, jekelegen ózenderde de sý jaıylyp, sý deńgeıiniń kóterilýi múmkin.
QR ońtústik men ońtústik-shyǵys taýly ózenderinde sý deńgeıiniń turaqsyzdyǵy baıqalady. Qostanaı oblysynyń Úı ózeninde sý deńgeıiniń kóterilýi jalǵasady, Tobyl (Qaratamar sý qoımasynan tómen) ózeninde Qaratamar sý qoımasynan sý tasýyn retteý esebinen sý deńgeıiniń turaqsyzdyǵy baıqalady.
