15 sózden turatyn kóshe ataýy bar
ASTANA. QazAqparat - RF Novosibirge taıaý ornalasqan Berdsk qalasynda aty 15 sózden turatyn kóshe tabyldy. Bul týraly "Komsomolskaıa pravda" saıty habarlady.
Jergilikti turǵyndar tólqujatynda «Sharýashylyq qojalyǵyn uıymdastyrý úshin kásipodaqtyń búkilodaqtyq ortalyq keńesiniń qosalqy sharýashylyǵy jerinen alynǵan aýmaq» degen mekenjaıdy kórýge bolady.
Bir qaraǵanda, jaǵdaı qyzyq kórinedi, alaıda kósheniń mundaı ataýy qalalyqtarǵa kóptegen qıyndyqtar týdyrýda: olarǵa poshta jetpeıdi, jedel járdem men ýchaskelik dáriger kelmeıdi, bul mekenjaı qujat alý úshin qajetti resmı blankterge syımaı jatady.
Bundaı erekshe ataý tóreshildik tártipsizdikten oryn alǵan. Bastapqyda qazir úıler turǵan jerdi úı salý úshin emes, baqsha egý úshin bólgen. Bul aýdan kúni búginge deıin turǵyn úı aýmaǵyna jatpaıdy. Demek, bul uzyn ataý kóshe emes, aýmaqty sıpattaıdy.
