15 shildede Astanada «Astana Arlans» pen «Cuba Domadores» arasynda bokstan WSB fınaly ótedi

ASTANA. QazAqparat - Aldaǵy senbide Dúnıejúzilik boks serııasynyń fınaly ótedi. Qazaqstan astanasynyń sharshy alańynda Astana Arlans pen Cuba Domadores komandalarynyń boksshylary kezdesedi, dep habarlaıdy «QazAqparat» HAA Sports.kz-ke silteme jasap.

«Jattyqtyrýshylar shtaby «Cuba Domadores»-ke qarsy fınalǵa shyǵatyn boksshylar quramyn anyqtady. Rıngke bizdiń klýbymyzdyń quramynan kelesi boksshylar shyǵady: Temirtas Júsipov (49 kg), Oljas Sáttibaev (52 kg), Іlııas Súleımenov (56 kg), Zakır Safıýllın (60 kg), Dilmurat Mıjıtov (64 kg), Aslanbek Shymbergenov (69 kg), Arman Rysbek (81 kg), Anton Pınchýk (91 kg) jáne Oljas Býkaev (+91 kg)», - dedi qazaqstandyq komandanyń bas bapkeri Nurlan Aqúrpekov.   

Onyń aıtýynsha, «Astana Arlans» atynan 75 kg salmaq dárejesinde kimniń óner kórsetetindigi ázirge belgisiz, ol búgin sheshilýi tıis.

«Osy salmaqta shyǵady dep josparlaǵan Ábilhan Amanqul búgin medıtsınalyq tekserýden ótip, rentgenge túsedi. Dárigerlerdiń tujyrymynan keıin ǵana onyń fınalǵa shyǵý, shyqpaýy belgili bolady. Eger, jaraqat alǵan boksshynyń sharshy alańǵa shyǵýyna tyıym salynsa, onyń ornyna atalǵan salmaq dárejesinde Saparbaı Aıdarov shyǵady», - dedi Aqúrpekov.