Búgin elimizde Qozy Kórpesh – Baıan Sulý kúni atalyp ótedi

ASTANA. KAZINFORM — 15 sáýirde qazaqstandyqtar «Qozy Kórpesh – Baıan sulý kúni» degen ataýǵa ıe ǵashyqtar kúnin atap ótedi.

Mereke 2011 jyly 14 aqpanda – Ǵashyqtar kúnine balama retinde paıda boldy jáne XIV-XV ǵasyrlarda ómir súrgen Qozy Kórpesh – Baıan sulý mahabbatynyń sımvoly retinde belgilengen. Bul urpaqtan-urpaqqa jalǵasyp kele jatqan halyq ańyzynda mahabbat pen dostyq, tazalyq pen náziktik, adamgershilik pen ádep týraly aıtylǵan. 

Aıta ketsek, ǵashyqtar kúni Almatydaǵy Muhtar Áýezov atyndaǵy qazaq ulttyq drama teatrynda «Qozy Kórpesh – Baıan sulý» spektakliniń premerasy ótedi. Teatr dırektory Erkin Jýasbektiń aıtýynsha, «Qozy Kórpesh – Baıan Sulý» spektakli eń alǵash ret 1930 jyldary sahnalanǵanyn aıtty.

«Sodan beri ár rejısser ártúrli traktovkada qoıylymdy kórermenge usynyp keldi. «Qozy Kórpesh – Baıan Sulý» shyǵarmasy mahabbat úshtigine qurylǵan. Qozy, Baıan, Qodar birlestigi aqyn, jyrshylardyń aýyzynda neshe ǵasyrdan beri aıtylyp keledi. Sizder bilesizder, óner mahabbattan turady, al mahabbat talastan turady, osy dúnıe búgingi jastarǵa paıdasy, áseri bolady degen oıdamyz. Keıingi jyldary jastar qaıdaǵy bir túsiniksiz áýlıege teńelgen Valentınnen góri bizdiń Qozy, Tólegen, basqa da batyrlardan úlgi alýy kerek. Ǵashyqtar kúni qarsańynda qoıylymdy sahnalaýymyzdyń bir sebebi osynda», - dedi ol.

Qoıýshy-rejısser Áýbákir Rahımov atap ótkendeı, shyǵarma teatr sahnasynda besinshi ret qoıylǵaly otyr.