15 sáýir kúni 8 oblysta úsik júrýi múmkin

ASTANA. KAZINFORM — «Qazgıdromet» RMK  el aýmaǵynda 15 sáýirde bolatyn qaýipti meteorologııalyq qubylystarǵa boljam jasady. 

Derekke qaraǵanda, atmosferalyq frontaldy bólimder Qazaqstannyń kóp bóligine óz yqpalyn saqtap, kún kúrkireıdi.

- Kúndiz elimizdiń ońtústik-batysynda qatty jańbyr jaýady, túnde shyǵysynda qatty jaýyn-shashyn (jańbyr, qar), soltústiginde, shyǵysynda jaýyn-shashyn (jańbyr, qar) túsedi. Tek respýblıkanyń batysynda, ońtústiginde jaýyn-shashynsyz aýa raıy boljanady. QR boıynsha jel, tuman kúsheııýi múmkin, - dep jazady sınoptıkter.

Kúndiz Jetisý oblysynyń Alakól aýdanynda 30 m/s jáne odan asa qatty jel kútiledi.

Túnde Soltústik Qazaqstan oblysynyń batysynda, soltústiginde, Qostanaı oblysynyń batysynda, Batys Qazaqstan oblysynyń soltústiginde, shyǵysynda, Aqtóbe oblysynyń soltústiginde, Qaraǵandy, Shyǵys Qazaqstan oblystarynyń jáne Abaı oblysynyń shyǵysynda 3 gradýs úsik júredi.

Túnde Aqmola oblysynyń batysynda, ortalyǵynda topyraq betinde 2 gradýs úsik bolady.

Aıta keteıik, SQO alqaptarynda bıyl ylǵal qory jetkilikti.