15 sáýirden bastap elordadaǵy veloprokat júıesi iske qosylady
NUR-SULTAN. QazAqparat - Nur-Sultan qalasynda 15 sáýirde «Astana Bike» avtomattandyrylǵan veloprokat júıesi iske qosylady. Qala turǵyndary men qonaqtary úshin barlyǵy 1000-nan astam velosıped pen 155 velostantsııa qoljetimdi bolady, dep habarlaıdy QazAqparat ákimdikke silteme jasap.
Velosherıng qyzmetterin paıdalaný úshin www.velobike.kz saıtyna onlaın tirkelý qajet. Ony 16 jasqa tolǵan adamdar óte alady. Veloprokatqa abonementterdi www.velobike.kz saıtynan jáne City Transportation Systems kassalarda satyp alýǵa bolady. Velosıpedterdi jalǵa berý júıesi 24/7 rejıminde qoljetimdi.
Aıta keteıik, velosıpedter men abonementterdi satyp alý 15 sáýirden bastap saǵat 9:00-den qoljetimdi bolady.
Veloprokatqa tarıfter ózgerissiz qalady:
Standartty abonementter:
- aılyq abonement - 2 500 teńge;
- toqsandyq abonement - 6 000 teńge;
- maýsymdyq abonement - 10 000 teńge.
Jeńildikti abonementter:
- toqsandyq abonement - 3 000 teńge;
- maýsymdyq abonement - 5 000 teńge.
50% jeńildik rastaýshy qujattardy usynǵan kezde beriledi jáne azamattardyń jeńildikti sanattary úshin toqsandyq jáne maýsymdyq abonementterge ǵana qoldanylady.
Standartty nemese jeńildikti abonementterden basqa paıdalanýshynyń shotynda 500 teńge bolýy tıis. Eger aqsha taýsylsa, velosıped ekranynda «qate» jazý shyǵady.
30 mınýtqa deıin velosıpedti shekteýsiz paıdalanýǵa bolady. Munyń negizgi sharty – abonement satyp alý.
30 mınýttan artyq jol júrý quny jalǵa alý ýaqytyna qaraı tólem bóligin esepke ala otyryp esepteledi:
– 0-den 30 mınýtqa deıin - abonement qunyna qosylǵan;
– 31-den 60-qa deıin - 100 teńge;
- 61-den 120-ǵa deıin - 250 teńge;
- 121-den 180-ge deıin - 500 teńge;
- 181-den bastap jáne árbir kelesi saǵat - 1 000 teńge.
Táýliktik abonementter:
- 1-táýliktik abonement - 3 500 teńge;
- 3-táýliktik abonement - 9 000 teńge;
- 7-táýliktik abonement - 17 500 teńge.
Paıdalanýshylar qalalyq veloprokat servısi boıynsha konsýltatsııa alýǵa Nur-Sultan qalasy boıynsha biryńǵaı baılanys ortalyǵyna iKOMEK-109 qońyraý shalyp nemese CTS kompanııasynyń Instagram (@cts_kz) jáne Facebook (@CityTransportationSystems) áleýmettik jelisindegi resmı paraqshasyna jaza alady.
