15 sáýirden bastap Almaty oblysynda karantın rejımi engiziledi
NUR-SULTAN. QazAqparat - 15 sáýirden bastap Almaty oblysynda karantın rejımi engiziledi, dep habarlaıdy 🇰🇿CORONAVIRUS2020.KZ.
Almaty oblysynyń Bas memlekettik sanıtarlyq dárigeriniń qaýlysyna sáıkes kelesi shekteýler engiziledi:
• shet memleketterden kelgen Almaty oblysynyń turǵyndaryn;
• júkterdi, onyń ishinde tranzıttik júkterdi tasymaldaıtyn adamdar men kólikterdi qospaǵanda, oblys aýmaǵyna basqa óńirlerden adamdar men kóliktiń kirýine tyıym salý.
Buǵan deıin basqa óńirlerge ketken Almaty oblysynyń turǵyndary oblys aýmaǵyna bıylǵy 15 sáýir kúngi saǵat 00:00-ge deıin kire alady.
Adamdardy tasymaldaýmen aınalysatyn azamattyq áýejaılardyń, aýdandyq, qalalyq avtovokzaldardyń, avtostantsııalardyń qyzmetin ýaqytsha toqtatý, resmı taksı qyzmetterin qospaǵanda, qalaaralyq, aýdanaralyq avtobýs qatynastaryna, sondaı-aq jeke tasymaldaýǵa tyıym salý, al áskerı áýejaılarǵa jolaýshylar borttaryn qabyldaýǵa tyıym salynady;
Azyq-túliktik emes maqsattaǵy saýda nysandarynyń, bıznes ortalyqtarynyń, ınternet jáne kompıýterlik klýbtardyń, oıyn oryndarynyń, azyq-túlik bazarlarynyń (et pavılondarynan basqa) jáne azyq-túliktik emes bazarlardyń jumysyn toqtata turý, jármeńkeler, kóshe saýdasyn boldyrmaý;
menshik nysanyna qaramastan mektepke deıingi balalar mekemeleriniń qyzmetin toqtata turý;
halyqtyń kóptep jınalatyn oryndaryna (saıabaqtar, jaǵalaý, skverler, sport alańdary, úı janyndaǵy balalar alańdary) barýǵa tyıym salý;
dinı maqsattaǵy obektilerdiń (meshitter, shirkeýler, birlestikter jáne t. b.) qyzmetin toqtata turý).
