15 sáýirdegi aýa raıy boljamy
ALMATY. QazAqparat - Qazaqstan aýmaǵy keń kólemdi antıtsıklonnyń yqpalynda bolady. Osyǵan baılanysty, aýa raıynyń jaýyn-shashynsyz bolatyndyǵy kútilýde, dep habarlaıdy «Qazgıdromet» RMK.
Keı jerlerde jeldiń jyldamdyǵy kúsheıedi, jekelegen aýdandarda ol shańdy daýyldarǵa ulasýy yqtımal. Tek respýblıkanyń shyǵysynda, ıaǵnı Shyǵys Qazaqstan oblysynyń keı jerlerinde aýa raıynyń turaqsyzdyǵy saqtalady: jaýyn-shashyn, tuman, kóktaıǵaq bolady dep kútilýde.
Jambyl oblysynyń jekelegen aýdandarynda tuman túsip, 15-20 m/s jyldamdyqpen jel turýy múmkin. Mańǵystaý men Atyraý oblystarynyń keı jerlerinde shańdy daýyl jáne 15-20 m/s jyldamdyqpen jel turatyndyǵy kútiledi. Qyzylorda oblysynyń keı jerlerinde jeldiń jyldamdyǵy 15-20 m/s deıin kúsheıip, kúndiz keıbir aýdandarda shańdy daýyl bolýy yqtımal. Ońtústik Qazaqstan men Batys Qazaqstan oblystarynyń keı jerlerinde de jeldiń jyldamdyǵy 15-20 m/s deıin kúsheıedi. Al Almaty oblysynyń jekelegen aýdandarynda tuman túsedi dep kútilýde.
Jaqyn táýlikte Almaty oblysynyń ózenderinde sý deńgeıi aýytqýy múmkin.
