15 naýryzǵa deıin Ulttyq bank ınflıatsııalyq shekteý rejimine kóshý usynysyn engizsin - N.Nazarbaev

ASTANA. QazAqparat - 15 naýryzǵa deıin Ulttyq bank ınflıatsııalyq shekteý rejimine kóshý usynysyn engizsin, dedi Aqordada ótken Úkimettiń keńeıtilgen otyrysynda Elbasy Nursultan Nazarbaev.

«Ortamerzimdi perspektıvada ınflıatsııany 3-4 paıyzǵa deıin tómendetý úshin aǵymdaǵy jyldyń 15 naýryzyna deıin Ulttyq bank ınflıatsııalyq shekteý rejimine kóshý usynysyn engizsin. Sondaı-aq mundaı saıasattyń tıimdiligin qamtamasyz etý maqsatynda Ulttyq bankke Úkimetpen birlesip, retteletin baǵa men tarıf salasyndaǵy saıasatty anyqtaý boıynsha keshendi sharalardy ázirleýdi tapsyramyn. Bul túsinikti me? Atalǵan jumystar aǵymdaǵy jyldyń birinshi jartyjyldyǵynda aıaqtalýy tıis», - dedi N.Nazarbaev.