15 naýryzǵa deıin «Nurly jol» baǵdarlamasynyń ınfraqurylymdyq jobalaryna qansha jumys orny kerektigi anyqtalady - T.Dúısenova
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý mınıstri Tamara Dúısenova málim etti.
«Biz qazir barlyq memlekettik organdarmen, jergilikti ákimdiktermen birlesip, «Nurly jol» baǵdarlamasy aıasynda qandaı ınfraqurylymdyq jobalar iske asyrý kerek jáne bul jobalarda qansha jumys oryndaryn ashý kerek, degen máselelerdi anyqtaýdamyz. 15 naýryzǵa deıin bul jumysty bitirýimiz kerek. Odan keıin osy jumys oryndaryna bizdiń jumyspen qamtý ortalyqtary arqyly azamattardy tartý máselesin qarastyryp jatyrmyz», - dedi mınıstr.
Onyń atap ótýinshe, qurylǵan jumys oryndaryna jumyssyz jastar, ózin-ózi jumyspen qamtyǵandar jáne az qamtylǵan azamattar jiberiletin bolady.
«Sonymen qatar biz qazirgi ýaqytta memlekettik jáne jergilikti atqarýshy organdarmen «Nurly jol» baǵdarlamasy aıasynda júzege asyrylatyn jobalardy anyqtaýdamyz. Buǵan qosa, óńirler sheginde qurylatyn jumys oryndary sanyn da naqtylaýdamyz», - dedi T.Dúısenova.