15 naýryzdan bastap Túrkııaǵa baratyn týrıster arnaıy anketa toltyrady
Buǵan deıin mundaı anketalar pasport tekseretin orynda qaǵaz júzinde toltyrylatyn.
Anketa toltyrǵan kezde ózderi týraly negizgi málimetter men Túrkııada turatyn mekenjaıdy jazýy kerek.
Elektrondy anketalardy Túrkııanyń Densaýlyq saqtaý mınıstrliginiń register.health.gov.tr. saıtynda toltyrýǵa bolady.
«Anketa jolǵa shyǵardan 72 saǵat buryn toltyrylýy kerek. Osy málimetterdiń arqasynda Túrkııaǵa barǵan kezde koronavırýs jaǵdaıyna qatysty eldegi jaǵdaı qandaı ekenin bilip, ózińiz ben jaqyndaryńyzdy qorǵaı alasyz. Anketa toltyrǵan adamǵa kod beriledi. Qajet bolǵan jaǵdaıda Túrkııa bıligi adammen osy kod arqyly baılanysqa shyǵa alady. Osyǵan baılanysty óziń týraly málimetterdi durys kórsetý mańyzdy. Anketanyń bar-joǵa shekarada tekseriletin bolady. Anketa toltyrylmaǵan nemese qate toltyrylǵan jaǵdaıda aıyppul salynýy múmkin, sondaı-aq elge kirýge ruqsat etilmeýi múmkin», - delingen Túrkııanyń densaýlyq saqtaý mınıstrliginiń saıtynda.
Tranzıtpen saıahattaıtyn tulǵalarǵa anketa toltyrmaı qoıýǵa bolady.