15 naýryzdan bastap astanalyq saýda ortalyqtarynyń birindegi vaktsına pýnkti jabylady

NUR-SULTAN. QazAqparat - Asia Park SOO-da ornalasqan egý pýnkti 15 naýryzdan bastap qala turǵyndaryn KVI-ǵa qarsy vaktsınalaý jáne revaktsınatsııalaý jumysyn toqtatady, dep habarlaıdy QazAqparat.

Esterińizge sala keteıik, azamattardy koronavırýsqa qarsy vaktsınatsııalaýmen jappaı qamtý úshin atalǵan saýda ortalyqta vaktsınatsııalaý pýnkti ótken jyldyń jazynda ashylǵan.

Qalalyq densaýlyq saqtaý basqarmasy ortalyq ákimshiligin astanalyqtardyń densaýlyǵyn nyǵaıtýdaǵy birlesken jumysy, ekpe alýǵa yntalandyrý jumystaryna qatysyp, naýqandar men utys oıyndardy ótkizgenderi úshin alǵys aıtady.

Ákimdiktiń málimetinshe, búgingi kúni qala turǵyndary ekpeni 26 alǵashqy kómek kórsetý uıymynda, «Nurly jol» jańa temirjol vokzalynda, úsh saýda kesheninde - «Kerýen» SOO, «Abý Dabı Plaza» jáne «Evrazııa» SÚ-de ala alady.

Elordadaǵy «Asia Park» saýda oıyn-saýyq ortalyǵynda koronavırýsqa qarsy vaktsınatsııalaýǵa arnalǵan vaktsınatsııa pýnkti jabylady.

Egý pýnkti qyzmetin 2022 jyly 15 naýryzda aıaqtaıdy.