15 naýryz kúni Qazaqstan aýmaǵynda jaýyn-shashyn jaýmaıdy
NUR-SULTAN. QazAqparat - 15 naýryz kúni Qazaqstan aýmaǵynda aýa raıy qandaı bolatyny belgili boldy, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóligine antıtsıklon áser etedi. Osyǵan baılanysty jaýyn-shashyn jaýmaıdy.
Tek ońtústikte jáne shyǵysta atmosferalyq fronttardyń ótýine baılanysty turaqsyz aýa raıy saqtalady: keı jerlerde jaýyn-shashyn jaýady, boran soǵyp, kóktaıǵaq bolady, jel kúsheıedi. Keı jerlerde tuman túsedi.
Qyzylorda, Atyraý, Batys Qazaqstan, Qostanaı, Pavlodar, Qaraǵandy, Shyǵys Qazaqstan oblystarynyń keı jerlerinde tuman túsedi.
Shyǵys Qazaqstan oblysynyń keı jerlerinde jaıaý burqasyn soǵady.
Kúndiz Mańǵystaý oblysynyń keı jerlerinde jeldiń ekpini 15-20 m/s jetedi.
Almaty oblysynyń keı jerlerinde tuman túsip, kóktaıǵaq bolady. Túnde keı jerlerde jel qarqyny - 15-20 m/s.
Túrkistan, Jambyl oblystarynyń keı jerlerinde - tuman, kóktaıǵaq, boran. Keı jerlerde jel jyldamdyǵy 15-20 m/s deıin kúsheıedi.
