15 naýryzda eldegi qaı joldarda qozǵalys tártibi ózgerdi

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 15 naýryzda aýa raıynyń jaqsarýyna baılanysty respýblıkalyq mańyzy bar kelesi avtojol ýchaskelerinde barlyq kólik túri úshin jyldamdyq shekteýi 80 shaq/saǵattan 110 shaq/saǵatqa deıin ulǵaıtyldy:

Aqmola oblysy

• «Astana – Kókshetaý (aınalma jolymen) – Petropavl – RF shekarasy (Jańa Jol beketi)», 19-231-shaqyrym aralyǵy;

• «Astana – Qaraǵandy – Almaty», 30-92-shaqyrym aralyǵy (Jibek joly kenti – Anar stantsııasy).

Qaraǵandy oblysy

• «Astana – Qaraǵandy (aınalma jolymen) – Almaty», 92-164-shaqyrym aralyǵy.

Jabyq joldar

Sonymen qatar respýblıkalyq mańyzy bar birneshe avtojol ýchaskelerinde shekteý áli de bar:

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qysqy maýsym aıaqtalǵansha saqtalady.

Eske salaıyq, buǵan deıin ShQO joldaryndaǵy sý basý qaýpi joǵary ýchaskeler sany azaıǵanyn habarlaǵanbyz.