1,5 mlrd: Almaty oblysynda jer silkinisinen zaqymdanǵan taǵy bir mektep jóndeledi
ALMATY. KAZINFORM - Bul týraly Almaty oblysy Іle aýdanynyń ákimi Qaıyrjan Jaqsymbetov óńirlik kommýnıkatsııalar qyzmetinde aıtty.

Byltyr 2016 jyly salynǵan Almaty oblysy Іle aýdanyndaǵy № 40 mektep 2024 jyly aqpan aıyndaǵy jer silkinisinen keıin jaramsyz bolyp qalǵanyn jazǵanbyz. Keıin Іle aýdany Boraldaı aýylynyń turǵyndary bul mektepte jóndeý jumystarynyń aıaqtalmaýyna baılanysty narazylyq bildirgen bolatyn.
Búgin brıfıng barysynda Іle aýdanynyń ákimi Qaıyrjan Jaqsymbetov aıtylǵan mektep 2025 jyldyń basynda paıdalanýǵa berilgenin habarlady.
- Aýdan ákimdigi qaýlysymen Boraldaı kentindegi №40 jalpy bilim berý orta mektebinde jer silkinisi kezinde týyndaǵan tótenshe jaǵdaıǵa baılanysty tótenshe jaǵdaıdy oqshaýlaý jáne joıý maqsatynda kúrdeli jóndeý jumystaryn isteýge aýdannyń jergilikti atqarýshy organynyń rezervinen 874,4 mln teńge bólinip, 2025 jyldyń basynda mektep paıdalanýǵa berildi, - dedi ol.
Sondaı-aq Qaıyrjan Jaqsymbetov jer silkinisi saldarynan zaqym kelgen aýdandaǵy taǵy bir mektep bıyl kúrdeli jóndeýden ótetinin atap ótti. Onyń aıtýynsha, M.Túımebaev aýylyndaǵy №20 orta mektep ǵımaraty qazirgi ýaqytta tótenshe jaǵdaıda tur.
- Qazirgi ýaqytta №20 orta mekteptiń 1591 oqýshysynyń 552-si M.Túımebaev aýylyndaǵy № 19 orta mektepke, 475-si Kókqaınar aýylyndaǵy №53 mektepke jáne 564 oqýshysy №44 orta mektepke tasymaldanyp júr. Atalǵan mektep boıynsha jobalaý-smetalyq qujattamasy daıyndalyp, memlekettik saraptamanyń oń qorytyndysy alyndy. Mekteptiń kúrdeli jóndeýine jumsalatyn jalpy smetalyq quny - 1 mlrd 541,4 mln teńge, - dedi aýdan ákimi.
Eske salaıyq, byltyr Almaty oblysynda jer silkinisinen soń 44 nysanda jaryqtar paıda bolǵanyn jazǵanbyz.