15 mln-nan astam tuqy balyqtyń shabaqtary tabıǵı meken etý ortasyna jiberiledi - QR AShM
ASTANA. QazAqparat - 2016 jyly Qamystybas balyq tálimbaǵy 15,22 mln dana bıylǵy shabaqtardyń jáne eki jyldyq tuqy balyq pen ósimdik qorekti balyq túrlerin tabıǵı meken etý ortasyna jiberýdi josparlaıdy, dep jazady primeminister.kz.
QR AShM-nyń habarlaýynsha, tabıǵı meken etý ortasyna balyq shabaqtaryn jiberý jumystary jalǵasýda.
Eske sala keteıik, aǵymdaǵy jyldyń qyrkúıeginde Qamystybas balyq tálimbaǵy 8,4 mln dana tuqy balyqtyń bıylǵy shabaqtary men balyqtardyń ósimdik qorekti túrlerin (dóńmańdaı, aq amýr) Kishi Aral teńiziniń Shaǵalaly shyǵanaǵy men Qamystybas ózenine jiberdi.
Jiberý orman sharýashylyǵy jáne janýarlar dúnıesi ınspektsııasynyń qyzmetkerleriniń, ákimdiktiń jáne ǵylymı uıymdar ókilderiniń qatysýymen júzege asyryldy.
