15 myń adam alıment tóleýden jaltaryp júr – Ádilet mınıstrligi

ASTANA. KAZINFORM – Jyl basynan beri elimizde alıment tólemegeni úshin 126 qylmystyq jaýapkershilikke tartyldy. Bul týraly Ortalyq kommýnıkatsııalar qyzmetindegi brıfıngte Ádilet mınıstrligi Mindetti atqarý komıtetiniń tóraǵasy Mahsat Balabekov aıtty.

- Áleýmettik mańyzdy sanattardyń biri sanalatyn alıment óndirip alý boıynsha oryndaý úshin 285 myń qujat tirkelgen. Olardyń ishinde 278 myńǵa jýyq qujat merziminde óndirip alynyp jatyr. ıAǵnı, alıment boryshkerdiń jumys ornynan aı saıynǵy jalaqysynan ustalady. 2025 jyly alıment boıynsha óndirip alynǵan bereshek somasy 1,6 mlrd teńgeden asady. Al, problemalyq alımentter sany 15 myńdy quraıdy. Olar boıynsha bereshektiń mólsheri shamamen 19 mlrd teńgege jetedi. Bul qujattar boıynsha boryshkerler tólem júrgizbeıdi, - dedi ol.

Onyń atap ótýinshe, atalǵan boryshkerlerge qatysty atqarýshylyq qujattyń oryndalýyn qamtamasyz etetin májbúrlep oryndatý sharalary qoldanylady.

- Atap aıtqanda, sot oryndaýshylary ishki ister organdarymen birlese otyryp, boryshkerlerdiń avtokólikterin arnaıy aıyppul turaǵyna qamaý boıynsha reıdtik is-sharalar júrgizedi. Odan keıin bereshekti óndirip alý úshin múlik satylady. Qazirgi tańda jeke sot oryndaýshylary boryshkerdiń tabysyn qasaqana jasyrýynyń aldyn alý úshin olardyń elektrondyq aqshalary men jasyryn kiristerin anyqtaýǵa baǵyttalǵan jumystar júrgizýde, - dedi komıtet basshysy.

Mahsat Balabekov boryshkerlerge qatysty qoldanylatyn sharalardyń eń sońǵysy ákimshilik jáne qylmystyq jaýapkershilikke tartý ekenin aıtady.

- 2025 jyly 1 596 boryshker ákimshilik jaýapkershilikke, Qylmystyq kodekstiń 139-baby boıynsha 123 boryshker, 430-baby boıynsha 3 boryshker qylmystyq jaýapkershilikke tartyldy, - dedi ol.

Osyǵan deıin Úkimettiń alıment qoryn qurýdan bas tartyp otyrǵany týraly jazdyq.