15 memlekettik qyzmetker jumysynan qýyldy
QYZYLORDA. QazAqparat- Tártiptik keńeste qaralǵan 30 is boıynsha 15 memlekettik qyzmetker qyzmetinen bosatyldy. Bul týraly QR Memlekettik isteri agenttiginiń oblys boıynsha departamentiniń basshysy, tártiptik keńes tóraǵasy Ǵalym Tursynbaev málim etti.
Departament basshysynyń aıtýynsha, 2 qyzmetkerge sógis berilip, bir adamǵa eskertý jasalǵan. Sondaı-aq úsh qyzmetkerge qyzmetine tolyq sáıkes emestigi týraly eskertý túrinde tártiptik jaza qoldanylǵan. Bir adam qyzmetinen tómendetilgen. Búgingi kúni naqty 22 adam osyndaı ártúrli jaýapkershilikke tartylǵan.
Bir aıta keterligi, olardyń 16-y sybaılas jemqorlyq sıpatynda tártiptik jaýapkershilikke tartylypty. Barlyǵy derlik basshy laýazymdaǵy qyzmetkerler ekenin aıta ketken jón. Jaýapkershilikke tartylǵandardyń arasynda qala ákiminiń orynbasary M. Tileýimbetov eskertý alsa, Syrdarııa aýdany ákiminiń orynbasary S. Nurtazaev qyzmetinen bosatylǵan. Sondaı-aq, Syrdarııa aýdany «Shirkeıli» aýyldyq okrýginiń ákimi Ǵ. Bıqoja, oblystyq kásipkerlik jáne týrızm basqarmasy basshysynyń orynbasary R. Sultangereev qyzmetterimen qosh aıtysqan.
