15 maýsymǵa arnalǵan aýa raıy boljamy
ASTANA. 15 maýsym. QazAqparat - Elimizdiń basym aýmaǵynda aýa raıy turaqsyz, jekelegen aýdandarda jańbyr jaýyp, naızaǵaı oınap, jel kúsheıedi. Bul týraly Qazgıdrometke silteme jasaǵan QR TJM baspasóz qyzmetinen habarlady.
Qazaqstannyń ońtústigi men batysynda aptap ystyq ári qurǵaq aýa raıy saqtalady.
Aqmola, Qostanaı, Pavlodar, Qaraǵandy, Ońtústik Qazaqstan, kúndiz Atyraý, Shyǵys Qazaqstan oblystarynda jeldiń ekpini sekýndyna 15-20 metrge jetedi dep kútilýde.
Qyzylorda oblysynyń keı jerlerinde jeldiń ekpini sekýndyna 17-22 metrge jetedi jáne shańdy daýyl turady.
Soltústik Qazaqstan oblysynda túnde jáne tańerteń jekelen jerlerde tuman turady, jeldiń ekpini 15-20 m/s.
Boljam boıynsha Atyraý, Mańǵystaý oblystarynyń jekelegen aýdandarda aptap ystyq saqtalady.
Elimizdiń batysynda, soltústik-batysynda, ońtústiginde, ortalyǵynda keı jerlerde joǵary órt qaýiptiligi saqtalady.
Jaqyn 3 táýlik ishinde ońtústiktiń, ońtústik-shyǵystyń jáne shyǵystyń taý mańyndaǵy ózenderinde sýdyń kólemi aýytqıdy, jańbyr túsetindikten, jekelegen ózenderde jumsalatyn sýdyń kólemi artpaq. Elimizdiń basqa sý nysandarynda gıdrologııalyq rejımde aıtarlyqtaı ózgeris baıqalmaıdy dep kútilýde.
