15 maýsymda Pavlodar oblysynda shomylý maýsymy bastalady
PAVLODAR. QazAqparat – Pavlodardaǵy jaǵajaılarda shomylý áleýmettik qashyqtyqty saqtaýǵa jetkilikti oryn bolǵan kezde ruqsat etiledi.
Sýǵa shomylý maýsymy kezde jaǵajaılarǵa shezlongtar, kıim aýystyratyn oryndar jáne basqa da jabdyqtar bolýy kerek, dep habarlaıdy QazAqparat tilshisi.
«Pavlodar oblysynda 15 maýsymda sýǵa shomylý maýsymy bastalady. Jaǵajaılarda shomylý áleýmettik qashyqtyqty saqtaýǵa jetkilikti oryn bolǵan kezde ruqsat etiledi. Bul rette kerek jabdyqtar (shezlongtar, kıim aýystyratyn oryndar, aıaq jýatyn oryndar jáne t.b.) ornalastyrylýy kerek. Olardyń sıgnaldyq belgileri, shekteý kedergileri men lentalary bolýy mańyzdy», - dep habarlady oblystyq sanıtarııalyq-ekpıdemıologııalyq baqylaý departamentinen.
Bul týraly áńgime aımaqtyq SEBD jáne tótenshe jaǵdaılar departamentiniń ókilderi, basqarmanyń orman sharýashylyǵy jáne sý resýrstary bólimi basshysynyń qatysýymen ótken brıfıngte aıtyldy.
«Demalys aımaqtaryndaǵy jabyq ǵımarattarda aýany zalalsyzdandyrý kvarts, bakterıtsıdti lampalardyń kómegimen jáne aýany retsırkýlıatsııalaý arqyly júzege asyrylýy tıis. Bul – osyndaı nysandardyń qyzmet etýiniń mindetti talaby», - dedi epıdemıologtar.
