15 maýsymda salyq júıesiniń keıbir qyzmeti ýaqytsha istemeıdi

ASTANA. KAZINFORM — Memlekettik kirister komıteti «Salyqtyq ákimshilendirýdiń ıntegratsııalanǵan júıesine» qatysty mańyzdy habarlama jasady.

Komıtettiń málimetinshe, 15 maýsymda júıede tehnıkalyq jumystar júrgiziledi.

— QR Qarjy mınıstrliginiń Memlekettik kirister komıteti 2025 jylǵy 15 maýsymda saǵat 01.00-den 05.00-ge deıingi kezeńde «Salyqtyq ákimshilendirýdiń ıntegratsııalanǵan júıesi» (SÁIJ) aqparattyq júıesinde tehnıkalyq jumystar («Integratsııalyq shına» modýli) júrgiziletin bolady. Osyǵan baılanysty, joǵaryda atalǵan kezeńde «Salyqtyq ákimshilendirýdiń ıntegratsııalanǵan júıesi» AJ (SÁIJ AJ) servısteriniń bir bóligi qoljetimsiz bolady, — dep túsindirdi vedomstvo.

Buǵan deıin Qarjy vıtse-mınıstri Dáýren Keńbeıil mobıldi aýdarymdar boıynsha 1 mıllıon teńge shekteý qoıý týraly bastamaǵa qatysty túsinik berdi.