15 mamyrdan respýblıkalyq mańyzy bar avtomobıl joldarynda jazǵy shekteýler qoıyldy -Kólik jáne kommýnıkatsııa mınıstrligi

jáne «Ózgerister men tolyqtyrýlar engizý týraly» 2010 jylǵy 7 sáýirdegi №174 buıryǵy negizinde jaz mezgilinde kúndizgi jáne keshki ýaqyttarda respýblıkalyq mańyzy bar jalpy paıdalanymdaǵy joldardyń kótergishtik qabiletin joǵaltýyna baılanysty avtokólik quraldarynyń qozǵalysyna jyl saıynǵy ýaqytsha shekteýler qoıyldy. Bul shekteýler dara bilikke túsetin júktemesi 8 tonnadan artyq avtokólik quraldarynyń qozǵalysyna aýanyń temperatýrasy 25ºS-tan joǵary bolǵan jaǵdaıda kúndizgi saǵat 10.00-nan keshki saǵat 22.00-ge deıingi ýaqyt aralyǵynda jalpy paıdalanymdaǵy respýblıkalyq mańyzy bar avtomobıl joldarynda kólik qozǵalysyna qoıylady.

Bul shekteýler tómende kórsetilgen tasymaldaýshylardyń avtokólik quraldaryna salynbaıdy:

1) halyqaralyq kelisimderge sáıkes júkterdiń jáne jolaýshylardyń halyqaralyq tasymalyn júzege asyratyn;

2) tótenshe jaǵdaılardyń aldyn alý jáne joıý jónindegi is-sharalarǵa tartylǵan;
3) tez buzylatyn taýarlardy tasymaldaýdy júzege asyratyn;

4) jolaýshylar men bagaj tasymalyn júzege asyratyn;

5) Qazaqstan Respýblıkasynyń kúshi bar zańnamasymen bekitilgen tártipte qaýipti, iri gabarıtti jáne aýyr salmaqty júkterdi tasymaldaýdy júzege asyratyn;

6) qaıta salý jumystaryn júrgizý úshin merdiger uıymdarǵa berilgen ýchaskelerdegi jamylǵy boıynsha jol-qurylys jumystaryna tartylǵan.

Qozǵalysty ýaqytsha shekteýdiń jyl saıynǵy qoldanylý merzimi bekitildi:

- IV jol-klımattyq aýmaqqa -1 maýsymnan 31 tamyzdy qosa alǵandaǵy ýaqytqa deıin;

- V jol-klımattyq aýmaqqa -15 mamyrdan 15 qyrkúıekti qosa alǵandaǵy ýaqytqa deıin.

ІV jol-klımattyq aýmaqqa Aqmola, Aqtóbe, Shyǵys Qazaqstan, Batys Qazaqstan, Qaraǵanda (Qaraǵandy óńiri), Qostanaı, Pavlodar jáne Soltústik Qazaqstan oblystary kiredi.

V jol-klımattyq aýmaqqa Almaty, Atyraý, Jambyl, Qaraǵandy (Jezqazǵan óńiri), Qyzylorda, Mańǵystaý jáne Ońtústik Qazaqstan oblystary kiredi.