15 mamyrda elordada keme júzýi maýsymy ashylady
ASTANA. 7 mamyr. QazAqparat - Astanada Esil ózeninde keme júzýi maýsymynyń ashylýy 15 mamyrǵa josparlanǵan. Ashylý saltanaty úrmeli orkestrdiń kontsertimen súıemeldenedi, dep habarlaıdy qala ákimdiginen.
Elorda turǵyndary men qala qonaqtary qaıyqpen nemese kememen serýendep, salqyn sýdyń lebimen demalyp qana qoımaı, Astananyń sáýletimen de keńinen tanysýyna bolady.
astana.kz saıtynyń jazýynsha, búgingi kúni keme serýeniniń baǵdary Esil ózeninde 9,4 shaqyrymǵa jetti. «Esil-Astana» MKQK flotynda búgingi kúni segiz keme bar. Olardyń ishinde 60, 30, 32 jáne 45 adam sııatyn 5 jolaýshylar kemesi bar. Jáne súıreıtin keme men qutqarý qaıyǵy alynǵan.
Qazirgi sátte elordada úsh jaǵajaı aılaǵy jumys isteıdi. Kásiporynnyń málimeti boıynsha, bir rettik júrý tarıfi, eresekter úshin 700 teńge, 7 jas pen 16 jas aralyǵyndaǵy balalar úshin 350 teńge kóleminde belgilengen.
