15 mamyr. Tulǵalar týǵan kún
Búgin, 15 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
78 jyl buryn (1947) Qazaqstannyń memleket jáne saıasat qaıratkeri, dıplomat Nurtaı Ábiqaıuly ÁBІQAEV dúnıege keldi.
Almaty oblysy Jambyl aýdany Jambyl aýylynda týǵan. Sverdlovsk qalasy (qazirgi Ekaterınbýrg) Oral polıtehnıkalyq ınstıtýtyn, Almaty Joǵary partııa mektebin, RF Prezıdenti janyndaǵy Reseı memlekettik qyzmet akademııasyn bitirgen.
1970-1972 jyldary Keńes Armııasynyń ofıtserlik quramynda qyzmet atqardy. 1972-1976 jyldary Almaty aýyr mashına jasaý zaýytynyń ınjener-konstrýktory, 1976-1984 jyldary partııa-keńes jumysynda, 1984-1990 jyldary Qazaqstan Mınıstrler keńesi tóraǵasynyń jáne KP OK birinshi hatshysynyń kómekshisi, 1990-1991 jyldary Qazaq SSR Prezıdenti apparatynyń basshysy, 1991-1994 jyldary QR Prezıdenti jáne Mınıstrler kabıneti apparatynyń basshysy, 1994-1995 jyldary QR Prezıdenti apparatynyń basshysy, 1995-1996 jyldary Ulybrıtanııa jáne Soltústik Irlandııa Birikken Koroldigindegi QR Tótenshe jáne Ókiletti Elshisi, Shvetsııa Koroldigi, Norvegııa Koroldigi, Irlandııa Respýblıkasyndaǵy Qazaqstan Respýblıkasynyń Tótenshe jáne Ókiletti Elshisi qyzmetin qosa atqardy. 1996-1998 jyldary QR Prezıdentiniń birinshi kómekshisi, 1998-1999 jyldary QR UQK tóraǵasy boldy. 2000-2002 jyldary QR Syrtqy ister mınıstriniń birinshi orynbasary. 2002-2004 jyldary QR Prezıdenti Ákimshiliginiń basshysy, 2004-2007 jyldary QR Parlamenti Senatynyń tóraǵasy. 2007-2008 jyldary Reseı Federatsııasyndaǵy Qazaqstan Respýblıkasynyń Tótenshe jáne Ókiletti Elshisi, 2008-2010 jyldary QR Syrtqy ister mınıstriniń birinshi orynbasary, 2010-2015 jyldary QR Ulttyq qaýipsizdik komıtetiniń tóraǵasy, 2015-2017 jyldary QR Parlamenti Senatynyń depýtaty, QR Qaýipsizdik keńesiniń múshesi.
2018 jyldyń maýsym aıynan bastap qazirgi qyzmetinde.
Ekonomıka ǵylymdarynyń doktory, Reseı jaratylystaný ǵylymdary akademııasynyń akademıgi.
60 jyl buryn (1965) Qazaqstan Respýblıkasynyń memleket jáne saıasat qaıratkeri Gúlshara Naýshaqyzy ÁBDІQALYQOVA dúnıege keldi.
Qyzylorda oblysynda týǵan. Jambyl jeńil jáne tamaq ónerkásibi tehnologııalyq ınstıtýtyn bitirgen.
1987-1994 jyldary Qyzylorda oblysynyń halyqty áleýmettik qorǵaý basqarmasynyń aǵa ınspektory, bólim bastyǵy. 1994-1995 jyldary QR Joǵarǵy Keńesiniń halyqty áleýmettik qorǵaý jónindegi konsýltanty. 1995-2003 jyldary Eńbek jáne halyqty áleýmettik qorǵaý mınıstrliginiń bólim bastyǵy, basqarma bastyǵynyń orynbasary, zeınetaqymen qamtamasyz etý basqarmasynyń bastyǵy, áleýmettik qamtamasyz etý departamenti dırektorynyń orynbasary, áleýmettik qamtamasyz etý jáne áleýmettik kómek kórsetý departamentiniń dırektory, zeınetaqymen qamtamasyz etý jáne halyqtyń tabysyn retteý departamentiniń dırektory. 2003-2005 jyldary QR Eńbek jáne halyqty áleýmettik qorǵaý vıtse-mınıstri. 2005-2006 jyldary «Memlekettik annýıtettik kompanııa» ómirdi saqtandyrý kompanııasy» AQ basqarmasynyń tóraǵasy. 2006-2007 jyldary QR Eńbek jáne halyqty áleýmettik qorǵaý vıtse-mınıstri. 2007-2008 jyldary QR Eńbek jáne halyqty áleýmettik qorǵaý mınıstrliginiń jaýapty hatshysy. 2008-2009 jyldary QR Prezıdentiniń keńesshisi, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy qyzmetterin atqarǵan. 2009-2012 jyldary QR Eńbek jáne halyqty áleýmettik qorǵaý mınıstri. 2012-2013 jyldary QR Prezıdentiniń keńesshisi – QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy, 2013-2014 jyldary Premer-Mınıstriniń orynbasary, 2014-2019 jyldary QR Memlekettik hatshysy, QR Premer-Mınıstriniń orynbasary, 2019-2020 jyldary QR Parlamenti Májilisiniń depýtaty, 2020-2022 jyldary Qyzylorda oblysynyń ákimi boldy.
«Parasat», ІІІ-shi dárejeli «Barys» ordenderimen, merekelik medaldarmen marapattalǵan.
41 jyl buryn (1984) gımnastshy, kórkem gımnastıkadan halyqaralyq dárejedegi sport sheberi, kórkem gımnastıkadan Qazaqstan ulttyq quramasynyń bas bapkeri Álııa Maqsutqyzy JÚSІPOVA dúnıege keldi.
Shymkent qalasynda týǵan.
2000-2005 jyldary halyqaralyq jarystardyń jeńimpazy, álem kýbogy kezeńderiniń birneshe márte júldegeri, komandalyq jáne jekelegen esepte Pýsanda ótken Azııa oıyndarynyń kúmis júldegeri, Dohada alaýy tutanǵan Azııa oıyndarynyń jeńimpazy atanyp, Azııa chempıonatynyń 5 birdeı altyn medalin jeńip alǵan. 2004-2008 jyldary Afına jáne Beıjińde ótken Olımpıada oıyndaryna qatysqan. 2001 jyldan beri Álııa Júsipova Máskeýdegi kórkem gımnastıkadan olımpıadashylar daıyndaıtyn ortalyqtyń bas tóreshisi ataqty Irına Vınerdiń táliminde jattyqqan.
Gımnastıkalyq mansabyn aıaqtaǵan soń Shymkentte kórkem gımnastıka mektebin ashyp, jattyqtyrýshylyq qyzmetke kiristi.
«Qurmet» ordenimen, «Eren eńbegi úshin» medalimen marapattalǵan. Qazaqstannyń bes dúrkin chempıony, Azııanyń absolıýttik chempıony, álem birinshilikteriniń birneshe dúrkin jeńimpazy, eki Olımpıada oıynynyń qatysýshysy.
40 jyl buryn (1985) Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory Azamat Saǵatuly JOLMANOV dúnıege keldi.
L.N.Gýmılev atyndaǵy Eýrazııa ulttyq ýnıversıtetin «halyqaralyq qatynastar» mamandyǵy boıynsha jáne QR Prezıdentiniń janyndaǵy Memlekettik basqarý akademııasynyń magıstratýrasyn bitirgen. 2019 jylǵy Prezıdenttik jastar kadr rezerviniń múshesi.
Eńbek jolyn QR Aýyl sharýashylyǵy mınıstrligi Syrtqy baılanystar jáne ınvestıtsııalar departamentiniń sarapshysy laýazymynan bastaǵan. Odan keıin QR Prezıdenti janyndaǵy Memlekettik basqarý akademııasynyń Ǵylymı-zertteý ınstıtýtynda ǵylymı qyzmetker, Sektor meńgerýshisi, dırektordyń orynbasary, Memlekettik qyzmetkerlerdi kásibı damytý ınstıtýty dırektorynyń orynbasary, Qaraǵandy oblystyq fılıalynyń dırektory, QR Memlekettik qyzmet isteri agenttigi Strategııalyq ázirlemeler jáne halyqaralyq baǵdarlamalar departamentiniń dırektory laýazymdaryn atqardy. 2022-2025 jyldary QR Memlekettik qyzmet isteri agenttigi tóraǵasynyń orynbasary boldy.
Qazirgi laýazymyn 2025 jyldyń aqpan aıynan beri atqaryp keledi.
36 jyl buryn (1989) «Aqtóbe» ÁKK AQ Basqarma tóraǵasy Aýez Baǵbanuly TAIMBETOV dúnıege keldi.
Almaty qalasynda dúnıege kelgen. Ál-Farabı atyndaǵy Qazaq Ulttyq ýnıversıtetin «Halyqaralyq qatynastar, Halyqaralyq quqyq», «Ekonomıka» mamandyǵy boıynsha bitirdi.
Eńbek joly: 2008-2012 jyldary qurylys kompanııasynyń basshysy, 2016 jyly «Qazatomónerkásip» UAK» AQ enshiles kásiporny «Volkovgeologııa» AQ dırektorlar keńesiniń múshesi, 2016 jyly «KEMONT» AQ Dırektorlar keńesiniń tóraǵasy, 2023 jyly Almaty qalasy Kásipkerler palatasynyń dırektory bolyp qyzmet atqarǵan.
Qazirgi qyzmetinde 2023 jyldyń jeltoqsanynan beri.
31 jyl buryn (1994) Shymkent qalasynyń týrızm, syrtqy baılanystar jáne kreatıvti ındýstrııa basqarmasynyń basshysy Beksultan Erjanuly ÁDІLHANOV dúnıege keldi.
Shymkent qalasynda týǵan. 2012-2016 jyldary Qazaq gýmanıtarlyq zań ýnıversıtetinde «Quqyqtaný» mamandyǵy boıynsha, 2019-2021jyldary Akademık Á.Qýatbekov atyndaǵy Halyqtar dostyǵy ýnıversıtetinde «Memlekettik jáne jergilikti basqarý» mamandyǵy boıynsha joǵary bilim alǵan.
Eńbek jolyn 2016 jyly Shymkent qalasy ákimi apparaty zań bóliminiń bas mamanynyń mindetin atqarýshysy bolyp bastaǵan. 2017-2020 jyldary Shymkent qalasy ákimi apparaty memlekettik mekemesi zań bóliminiń bas mamany, 2018-2020 jyldary Shymkent qalalyq Іshki saıasat jáne din isteri basqarmasy qoǵamdyq uıymdarmen jumys,taldaý jáne monıtorıng bóliminiń basshysy, 2020-2021 jyldary Shymkent qalasy ishki saıasat jáne jastar isteri jónindegi basqarmasynyń MM saıası ahýal bóliminiń basshysy, 2021-2023 jyldary Shymkent qalasy ishki saıasat jáne jastar isteri jónindegi basqarmasy basshysynyń orynbasary, 2023-2024 jyldary Shymkent qalasynyń din isteri basqarmasynyń basshysy bolyp qyzmet etti.
Qazirgi laýazymyn 2024 jyldyń mamyrynan beri atqaryp keledi.
103 jyl buryn (1922-2008) qazaqtan shyqqan tuńǵysh ushqysh qyz, shtýrman-atqysh, Ekinshi dúnıejúzilik soǵys ardageri, Halyq qaharmany Hıýaz Qaıyrqyzy DOSPANOVA dúnıege kelgen.
Atyraý oblysynda týǵan. 1940 jyly Oraldaǵy №1 orta mektebin úzdik bitirgen.
Ushqyshtyq ómir jolyn Oral aeroklýbynda bastap, keıin soǵysqa attanady. Hıýaz Dospanova sol kezdiń ózinde teńdessiz erligi úshin «qanatty qyz» atanǵan. Hıýaz qyzmet etken polk Soltústik Kavkaz, Kýban, Qyrym, Ýkraına, Belarýs, Polsha, Germanııa aspanyndaǵy shaıqastarǵa qatysqan. Qazaq qyzy qan maıdanda 300-den asa jaýyngerlik operatsııa oryndap, asa mańyzdy jaý shebin talqandaıdy. Soǵysta áskerı ushaqpen aspan tórinde erligimen tanylǵan, al soǵystan keıingi beıbit ómirde qaıratkerligimen daralanǵan qazaqtyń qaharman qyzy. 2008 jyly 21 mamyrda Almaty qalasynda 86 jasynda dúnıeden ozdy. Ójettiligi men erligi úshin Qyzyl Juldyz, ІІ dárejeli Otan soǵysy, Qyzyl Tý ordenderimen jáne kóptegen medaldarmen marapattalǵan. Jeńistiń 60 jyldyq mereıtoıy qarsańynda soǵys ardageri, ushqysh qyz Hıýaz Dospanovaǵa Qazaqstan Respýblıkasy Prezıdentiniń Jarlyǵymen «Halyq qaharmany» ataǵy berildi. Atyraý qalasynda eskertkish ornatylyp, onyń esimi bir kóshege berilgen. Jeńistiń 75 jyldyǵy qarsańynda Atyraý halyqaralyq áýejaıyna aty ańyzǵa aınalǵan ushqyshtyń esimi berildi.